Nelson Mandela se oudste dogter uit sy eerste huwelik met Evelyn Mase, Makaziwe Mandela-Amuah, gaan 70 van haar oorlede pa se besittings, insluitend sy identiteitsboek, laat opveil.
Die veiling, wat vir 22 Februarie geskeduleer is, volg op Mandela-Amuah se regsoorwinning oor die Suid-Afrikaanse Erfenishulpbronagentskap (Saeha), wat die verkoop van die items wou voorkom.
Die versameling, ter waarde van ‘n geraamde R56 miljoen, sluit ‘n reeks van Mandela se besittings in, van briewe wat in die tronk geskryf is tot sketse wat hy tydens sy aanhouding geteken het.
Dit bevat ‘n geskenk van voormalige Amerikaanse president Barack Obama en sy vrou Michelle, sowel as Mandela se 1993 ID-boek, het TimesLive berig.
Daar is selfs ‘n moontlikheid dat ‘n sleutel tot Mandela se Robbeneiland-tronksel ingesluit kan word, wat besware van Suid-Afrikaanse amptenare uitgelok het.
Aanvanklik beplan vir 28 Januarie 2022, is die veiling deur Guernsey se veilingshuis in New York vertraag weens die regtelike twis met Saeha.
Die agentskap het kapsie gemaak teen die verkoop van 29 items, aangesien dit as nasionale erfenisvoorwerpe beskou word.
Die opbrengs van die veiling word gereserveer vir die skepping van die Mandela-gedenktuin by Madiba se laaste rusplek in Qunu in die Oos-Kaap.
Die tuin is voorgestel as ‘n huldeblyk en ‘n inspirerende herinnering aan Mandela se diepgaande invloed op die wêreld.
Saamgestel deur personeelskrywer
Op die foto hierbo: Nelson Mandela se ID-boek
Bron: X
