‘n Airlink-vliegtuig was Donderdag in ‘n ongeluk betrokke nadat dit verby die einde van ‘n aanloopbaan in Mosambiek gespoed het, het die lugredery aangekondig.
Die vliegtuig was betrokke by ‘n “nat aanloopbaan-insident toe dit by Pemba in Mosambiek geland het,” het Airlink in ‘n verklaring gesê.
Hulle het bygevoeg dat nie een van die 32 passasiers en drie bemanningslede enige beserings opgedoen het nie.
Dit is nie die eerste keer dat ‘n Airlink-vliegtuig op ‘n aanloopbaan teenspoed optel nie. In 2009 het agt mense ligte beserings opgedoen toe ‘n vliegtuig verby die aanloopbaan se einde gepeil tydens ‘n landing in George.
Saamgestel deur personeelskrywer.
Op die foto hierbo: Die Airlink-vliegtuig wat Donderdag in ‘n ongeluk op ‘n Mosambiekse aanloopbaan betrokke was
Bron: X
