The Daily Show with Trevor Noah het Maandag die Emmy-toekenning vir beste verskeidenheid geselsreeks gewen – die eerste keer dat die program die toekenning wen met Noah aan die stuur.
Die laaste keer dat die program die gesogte toekenning gewen het was in 2015, in Jon Stewart se laaste jaar as aanbieder.
Sedertdien het dit ‘n massiewe 17 nominasies ingepalm sonder om ooit te wen.
Nou het dit toevallig die prys kon inpalm nadat Noah sy vertrek aangekondig het.
Die Suid-Afrikaanse komediant was verheug om sy grootste mededinger, Last Week Tonight With John Oliver van sy troontjie af te kantel, nadat dit die afgelope jare die Emmys oorheers het.
“Ons het dit gedoen. Ons het ontslae geraak van John Oliver!” het Noah geskerts toe hy op die verhoog gestap het om die toekenning saam met sy span te aanvaar.
“Kan ek net dit sê? Hierdie storie is so lank. Dit was mal. Dit was so wonderlik,” het hy voortgegaan.
Hy het verder “die mal Afrikane wat my na hierdie land gevolg het” en “mal genie” Jon Stewart te bedank, wat Noah genooi het om The Daily Show aan te bied na sy vertrek.
“Dit was ‘n wilde rit,” het hy afgesluit. “Die gekste reis wat ek nooit kon voorspel of verwag het nie.”
Terwyl Noah besig was om sy toespraak op die verhoog te maak, het arendsoog kykers opgemerk dat een van die Daily Show-spanlede iets agter hom sê.
Roy Wood Jr het die kollig gesteel toe hy blykbaar die woorde uitspreek: “Please hire a host.”
Die komediant het later sosiale media gebruik om die bespiegeling te bevestig en op X geskryf: “Chill fam, I was trying to do that in the low.”
Noah se laaste verskyning as die program se aanbieder was in Desember 2022. Sedertdien het hy teruggekeer na Suid-Afrika vir ‘n tuiskoms-komedietoer regdeur die land.
Saamgestel deur personeelskrywer.
Op die foto hierbo: Trevor Noah aanvaar ‘n Emmy-toekenning vir beste verskeidenheid praatreekse.
Bron: X
