Trevor Noah, die internasionale komediant en voormalige Daily Show-aanbieder, het gelyk of hy ‘n nuwe dame in sy lewe gehad het, maar dit het nie lank gehou nie.
Skinderbloggers Maphepha Ndaba en Musa Khawula het geskimp dat daar moontlik ‘n romanse broei tussen Noah en mede Suid-Afrikaner Zoë Mabie.
Tydens sy feestydreis na Mzansi is Noah gesien waar hy saam met Mabie kuier.
‘n Foto het selfs gewys hoe hy sy hand op haar skouer laat rus, wat praatjies oor ‘n ontwikkelende romanse ontketen het.
Mabie se Instagram-rol, getiteld “We love summer!” het olie op die vuur gegooi, met vakansie hoogtepunte wat Noag ingesluit het.
Dit blyk egter dat hierdie vakansieromanse maar ‘n kort affêre was.
Slegs ‘n paar maande ná die vakansie het die duo dit na bewering laat vaar. Bronne na aan die paar het gesê Noah se intense werksfokus en gebrek aan tyd vir ‘n verhouding was deurslaggewend, berig IOL.
Noah is bekend daarvoor dat hy sy liefdeslewe onder die emmer hou. Nadat hy met die aktrise Minka Kelly uitgemaak het, is hy kortliks met die popsensasie Dua Lipa verbind. Die twee is gesien waar hulle mekaar soen ná ‘n aandete in New York City in September 2022.
Saamgestel deur personeelskrywer
Op die foto hierbo: Trevor Noah
Bron: X
