Deyr Anita Dangazele
Die opspraakwekkende ontsnapping van Thabo Bester, bygestaan deur sy geliefde – die nou berugte mediese dokter Nandipha Magudumana – is soos ‘n Suid-Afrikaanse weergawe van Bonnie en Clyde.
Die uiterstes wat die paar aangepak het om saam te kon wees, sal in die annale voortleef as een van die mees meesleurende misdaadverhale wat nog uit Suid-Afrika afgespeel het.
Bester se ontsnapping was ‘n klassieke verhaal van moord, ‘n onwaarskynlike liefdesverhouding, ‘n ontsnapping uit die tronk, ‘n verbrande liggaam en ‘n spoggerige leefstyl, gevolg deur ‘n haastige weghol van die gereg deur drie lande.
Thabo Bester, ook bekend as die “Facebook-verkragter”, het lewenslange tronkstraf by die Mangaung-korrektiewe sentrum in Bloemfontein uitgedien toe hy en sy minnares glo ‘n plan beraam het om hom uit te kry.
Vir byna ‘n jaar ná die gekompliseerde ontsnapping het Bester na bewering ‘n luukse lewe gelei in die ryk Johannesburgse woonbuurt Hyde Park, waar hy en Magudumana ‘n eiendom vir R40,000 per maand gehuur het.
Die Facebook-verkragter se ontsnapping het nie net die land geskok en sosiale media aan die brand gesteek nie, maar het ook Suid-Afrika se gebroke tronkstelsel ontbloot.
Bester is in April in Tanzanië saam met Magudumana in hegtenis geneem. Veiligheidsbeamptes wat na bewering betrokke was by die uitgebreide ontsnappingsplan is ook gearresteer.
Tydens hul hofverskynings het dit aan die lig gekom dat sommige stewige omkoopgeld ontvang het vir hul deelname om Bester uit sy sel te laat ontstnap.
Nege van die beskuldigdes is tans uit op borgtog, en polisie ondersoekers het deurgaans bevestig dat nog arrestasies in die pyplyn is.
Op die foto hierbo: Thabo die ‘Facebook Verkragter’ Bester
Bron: X
