➤ Terwyl baie ander sportsoorte in die feesseisoen ‘n blaaskans vat, vermeerder Premierliga sokker die hoeveelheid wedstryde wat hulle speel.
Die Kersnaweek Premierliga sokkeraksie het Donderdagaand afgeskop met Crystal Palace wat Brighton & Hove Albion aangevat het. Vrydagaand was dit Sheffield United en Aston Villa se beurt.
Die wedstryd van die naweek is egter Liverpool teen Arsenal Saterdag om 7.30nm.
Liverpool sou bek-af gewees het om nie laas keer aldrie punte teen Manchester United te kry nie, maar sal hierdie keer ‘n baie moeiliker teenstander teëkom.
Dit is eerste teen tweede, met die wenner wat daardie boonste plek oor Kersfees sal inneem.
Die Premierliga keer slegs ‘n paar dae later terug met Manchester United teen Aston Villa die topkeuse op Tweede Kersdag, 26 Desember, om 10nm.
Arsenal pak hul Londense teenstanders West Ham op dieselfde tyd, twee dae later, in wat ‘n vermaaklike wedstryd behoort te wees.
Om die jaar af te sluit draf spanne op die veld op 30 en 31 Desember, wanneer Luton Town vir Chelsea ontvang, terwyl Manchester City teen Sheffield United en Nottingham Forest teen Manchester United speel.
Daar is geen rus vir die Premierliga nie, aangesien Liverpool op 1 Januarie teen Newcastle United te staan kom om die nuwe jaar met gejuig te begin. Afskop is teen 10nm.
Alle Premierliga aksie sal regstreeks op DStv-kanaal 203, regdeur die Kerstyd gewys word.
➤ Rugby toon ook nie tekens van verlangsaam nie, met ‘n paar goeie United Rugby Kampioenskap wedstryde op hande.
Behalwe dat dit soos ‘n outydse Curriebeker eindstryd lyk, gaan Saterdag se kragmeting tussen die Stormers en die Blou Bulle in Kaapstad ‘n groot wedstryd wees. John Dobson vir die Stormers en Jake White vir die Bulle is moontlik die beste afrigters op die plaaslike toneel en daar is baie op die spel. Albei spanne sluit hul beste spelers in.
Afskop is om 7nm.
‘n Week later pak die Stormers, weer tuis, die sieklike Sharks wat deur moeilike tye gaan. Afskop is ook vir 7nm vasgestel.
Die Durbanse manne skop die nuwe jaar af met ‘n tuisstryd teen die Leeus op 6 Januarie om 4nm. Sharks-ondersteuners sal hoop op ‘n baie beter vertoning.
Al die rugbyvermaak kan regstreeks op DStv-kanaal 201 geniet word.
➤ Die Proteas skop ook hul toetsreeks teen Indië op 26 Desember af met die aksie wat om 10vm begin.
Botsings tussen die twee spanne het tot dusver gemengde resultate in die verskillende formate gelewer, maar die Proteas sal hoop dat die langer formaat van die wedstryd in hul guns sal werk.
Die eerste toets sal tot 30 Desember plaasvind, terwyl die tweede toets in die nuwe jaar op 3 Januarie gebeur.
Kyk die krieket regstreeks op DStv-kanaal 201.
Op die foto hierbo: Liverpool en Arsenal
Bron: X
