Springbok-kaptein Siya Kolisi, vars van sy skouspelagtige Wêreldbeker-oorwinning, het ‘n oomblik geneem om te lag oor ‘n skets deur die komediant Mpho Popps, waarin hy die rugbyheld se voorkoms naboots.
Die skets, wat op Mpho Popps en Robot-Boii se Pop-Corn and Cheese-potgooi uitgesaai is, het aanhangers laat breek van die lag.
Die grapkas het geskerts oor gewig verloor van al die “kardio” in die intense wedstryde. Hy het selfs die spot gedryf met Kolisi se kenmerkende kopband en gesê dit gaan alles oor die “drup”.
Kolisi is nie een wat wegskram van ‘n lekker lag nie. Hy het die skets op Instagram gedeel en speels opgemerk: “Na twee wêreldbekers vs voor twee wêreldbekers. Sjoe! Ons het ver gekom, shem. Mpho Popps, hayi, jy het my goed gekry.”
Ná die Wêreldbeker-manie en ‘n warrelwind-trofeetoer in Suid-Afrika, het die Kolisi-gesin na die VSA gevlug vir ‘n blaaskans voor Siya se volgende groot stap met Racing 92 in Frankryk.
Terwyl hy in New York was, het Kolisi tyd afgeknyp om met Vincent Mai te ontmoet, die weldoener wat sy opleiding by Grey Hoërskool in Gqeberha ondersteun het.
Ten spyte van ‘n goeie skeut vlugvoosheid was die gesinsavontuur ‘n treffer, met Rachel Kolisi wat hul reis op sosiale media gedokumenteer het.
Terug in Frankryk is Kolisi nie net besig om sy nuwe rugbyrol te vestig nie, hy skuur ook skouers met sokkerkoninklikes. Hy is langs Chelsea se Reece James by ‘n Racing 92-wedstryd opgemerk.
Saamgestel deur personeelskrywer
Op die foto hierbo: Siya Kolisi en Mpho Popps.
Bron: X
