‘n Laagvliegende Chinook-helikopter het blykbaar die liefdesvlam laat brand vir soutwaterkrokodille by Koorana Krokodilplaas in Queensland, Australië.
Die plaas huisves meer as 3,000 krokodille en bied toere aan toeriste en plaaslike skole, wat ‘n “praktiese benadering” tot krokodilavonture aan besoekers beloof.
Die skoolkinders wat vroeër hierdie maand kom kuier het, ly egter nou nog aan skok.
John Lever, die eienaar van die plaas, het ‘n vreemde gebeurtenis beskryf na aanleiding van die tuig se vlug oor die plaas, en verduidelik hoe manlike krokodille sigbaar opgerui is, duidelik in hul lugwaartse gebrul en geblaas.
Nadat die helikopter die gebied verlaat het, het die reptiele ‘n passievolle paringsessie geniet. Lever glo dit kan die soniese golwe van die vliegtuig wees wat hierdie wesens so opgewonde gemaak het.
Herpetoloog Mark O’Shea het egter ‘n ander teorie. Hy dink die helikopter kon seine nageboots het wat normaalweg met ‘n naderende donderstorm geassosieer word.
Feit bly staan, die harde dreuning en vibrasies van ‘n storm maak die krokodille katools, want hulle paar gewoonlik tydens donderstorms.
Dit is interessant om daarop te let dat soutwaterkrokodille spesiale multi-sensoriese organe het, genoem integumentêre sensoriese organe (ISOs) wat veranderinge in hul omgewing opspoor – van bewegings in water en atmosferiese druk tot lae-frekwensie klanke.
Die intense afwaartse trek en unieke klanke van ‘n Chinook se rotorlemme kan seine skep wat soortgelyk is aan ‘n naderende storm, wat die krokodil se paringsinstink ontketen.
Die helikopter se klank het dalk ook die hofmaak gedrag van mededingende krokodilmannetjies nageboots.
Dit kan byvoorbeeld klink soos die water-klap geluide wat manlike krokodille tydens hofmakery produseer, of die diepblaas-geluide wat hulle uitstuur wanneer hulle na ‘n maat soek.
Saamgestel deur personeelskrywer
Op die foto hierbo: Krokodille
