Deur Lucky Maree
In ‘n landelike gebied oos van Colesberg in die Noord-Kaap, wat slegs toeganklik is deur 50km se rowwe grondpaaie, is die Umthombo Wolwazi-skool van die Hantam Geenskapsonderwys Trust.
Of die 243 leerlinge dit weet of nie, hulle het ‘n historiese band met een van die bekendste Suid-Afrikaanse rugbygesinne in die land. Wat hulle wel weet, is dat die Wêreldbeker oor ‘n week begin.
Verlede week het Springbokkoors in die skool gewoed met ‘n gesigverfkompetisie, die hartlike sing van die volkslied, en die pure vreugde om ‘n Suid-Afrikaanse span te hê wat aan die wêreld se grootste rugbykampioenskap deelneem.
As die skool ‘n aanduiding is van nasionale opinie (soos wel die geval mag wees), is sommige van die kinders mal oor Canan Moodie, ander oor Eben Etzebeth, maar vir meeste is die held die Bokspankaptein, Siya Kolisi.
Die Hantam Trust het ‘n ryk Springbok-geskiedenis. Die trust is gestig deur Lesley Osler, die vrou van Maeder Osler. Maeder is die seun van die voormalige Springbok-skrumskakel Stanley Osler en broerskind van Bennie Osler, een van die grootste Springbokke van alle tye. Maeder woon in Colesberg.
Hierdie naweek sien ons vir die eerste keer vanjaar Wêreldbeker-aksie. Uitnemendheid en toewyding sal die Bokke oor hul eerste hekkie kry wanneer hulle in ‘n spannende wedstryd teen Skotland te staan kom .
Maar as hulle ‘n tikkie passie kort, sal die kinders van die Hantam Trust dit met groot liefde byvoeg.
Op die foto bierbo: ‘n Vurige Eben Etzebeth-aanhanger
Bron: Verskaf
