Deur Michael Madyirha
Suid-Afrika was uit die veld geslaan toe hulle Sondag met 49-47 teen Uganda verloor het in die stryd om ‘n vyfde plek by die 2023 Netbal Wêreldbeker.
Die uitslag beteken dat die Spar Proteas ‘n teleurstellende toernooi in die sesde plek afgesluit het – twee sparre laer as die vierde plek wat hulle by die vorige Wêreldbeker behaal het.
Hul skrale oorwinning by die Kaapstadse Internasionale Konferensiesentrum beteken dat buiteperde Uganda die SA afrigter Norma Plummer se meisies as Afrika se nommereen-span onttroon het.
Hulle het sterker as die gasheer begin en van die begin af beheer oor die wedstryd geneem terwyl hulle Suid-Afrika se dwaalaangeë benut het.
Nadat die Spar Proteas in vorige wedstryde op sterk verdediging kon reken, het die Suid-Afrikaners hierdie keer gesukkel om Ugandese doelskieter Mary Cholhok en haar aanvallende kollega, Nassanga Shadiah, in toom te hou.
Die She Cranes het teen die einde van die eerste kwart met 12-11 voorgeloop toe Plummer se span gesukkel het om tot bedaar te kom, en aangehou het om elementêre foute te maak.
Maar hulle het effens verbeter en met rustyd op 23-23 gelykop gestaan.
Die situasie het hoop gegee dat hulle sou terugveg, soortgelyk aan laas week se wedstryd teen Nieu-Seeland.
Maar die Oos-Afrikane het hul voorsprong aan die begin van die tweede helfte herwin, danksy prysenswaardige verdediging en die feit dat SA steeds foute begaan het.
Uganda het die derde kwart met ‘n twee-doel voorsprong geëindig, wat ‘n nuwe plan van Plummer vereis het, wat dan uitgevoer moes word.
Selfs die vervanging van Izette Griesel met Khanyisa Chawane het nie gebied wat die afrigter benodig het nie.
Elmere van der Berg se 36 doele en Nichole Taljaard se 11 doele het op die ou end nie veel vir Suid-Afrika getel nie, want Uganda het aan hul skrale voorsprong vasgeklou.
Op die foto hierbo: Suid-Afrika vs Uganda
Bron: Netbal Suid-Afrika
