Deur Nkhensani Mthombeni
Dit is nie elke dag dat ‘n wit man naam maak as Xitsonga-kunstenaar nie, maar Morne Lotte het daai storielyn verander met sy optredes wat die Xigaza-genre betrek.
Bekend aan sy aanhangers as Mulungu hi nyama – wat beteken “wit man in die vlees” – is Lotte heel moontlik die eerste wit man in die geskiedenis wat Xigaza-musiek sing. En die resensies is glad nie te vrot nie; hy het ook Xitsonga-musieklui beïndruk met sy danspassies.
Nie net sing die 24-jarige in in die taal nie, maar hy bestyg ook die verhoog in ‘n Xitsonga-dansromp bekend as xibelani. Hy het reeds vele harte verower met sy energieke optredes.
Xigaza is ‘n tradisionele soort liedjie wat in Xitsonga gesing word. Die taal word gepraat deur die Tsonga- of Shagaan-mense wat hoofsaaklik in Limpopo Provinsie woon.
Hy het aan Scrolla.Africa gesê hy hoop sy musiekloopbaan sal eendag so suksesvol soos Makhadzi of Benny Mayengana s’n wees. Sy liefde vir musiek het op ‘n baie jong ouderdom begin en Eminem was vir ‘n lang tyd sy held. Sy musieksmaak het egter verander toe hy van Pretoria na Elim in Limpopo verhuis het – ‘n streek waar die meeste mense van Tsonga of Venda afkoms is.
“Ek het verlief geraak op Xigaza en dit het my passie geword. My gesin en familie ondersteun my goed in hierdie verband,” het hy gesê.
Hy het twee enkelsnitte, genaamd ‘Mlungu hi Nyama’ en ‘Cina’, en werk tans aan ‘n volledige album wat hy hoop om teen Desember vry te stel.
Lotte se mentor is die Xigaza-kunstenaar DJ Mufudhisi, en Maponyana het hom leer dans. “Hierdie mans het my broers geword,” het hy gesê.
Wanneer hy nie optree of in die ateljee is nie, werk hy as ‘n nutsman wat onder meer vloerteëls verf en installeer.
Op die foto hierbo: Morne Lotte in volle Xigaza-swang en sang
Bron: Voorsien
