British Airways passasiers moes hul staal vir ‘n vingerlek-skokker toe die lugredery Kentucky Fried Chicken bedien het op ‘n 12-uur lange vlug van die Karibiese Eilande na Londen.
Maar hou vas aan jou hoenderboudjie: dit was beswaarlik ‘n kosfees van formaat.
Na ‘n rampspoedige spysenieringsblaps het honger passasiers elk net een klein stukkie KFC-hoender ontvang.
Dit blyk dat die vliegtuig se spysenieringwaentjies nie behoorlik afgekoel is nie en die kos wat op die vlugbakke moes wees, het in asblikke beland.
British Airways het geen ander keuse gehad as om dit te “wing” nie (ja, die woordspeling is aspris) en het begin spaander vir ‘n uitkoms. Met beperkte opsies by die lughawe, moes hulle vinnig dink om honger passasiers te bevredig.
Dit is toe dat iemand dog: “Haai, wat van KFC?” Die kajuitpersoneel het heldhaftig aanboord geklim met emmersvol van die wêreldberoemde kafkos. Elke passasier het ‘n stukkie hoender ontvang, bedien vanuit die ikoniese rooi-en-wit KFC-emmers.
Die epiese oomblik is op video vasgevang, met passasiers wat Oliver Twist grappenderwys aanhaal: “Asseblief meneer, kan ek nog so bietjie kry?”
En hoe’s dié? Selfs die larnies in besigheids- en eersteklas is aan die KFC-bederfie onderwerp.
Die feit dat die kitskosgenot ook aan hulle voorgesit is, bewys dat vingerlek-lekker hoender geen klasgrense ken nie.
Om verskoning te maak vir die vlugfiasko het British Airways verversingsbewyse uitgedeel met die landslag.
Saamgestel deur personeelskrywer
Op die foto bo: Die beroemde KFC emmers
