Gqom- kunstenaar Babes Wodumo is in die hospitaal opgeneem en is na bewering in ‘n kritieke toestand.
Die ontstellende nuus is deur Isolezwe gebreek, wat berig het dat Babes ernstig siek is.
Die besonderhede van haar siekte is nie bekend gemaak nie, wat veroorsaak dat haar aanhangers angstig wag op verdere nuus oor haar gesondheid.
Behalwe vir haar Gqom-sterstatus is Babes Wodumo, regte naam Bongekile Simelane, ook ‘n bekende choreograaf.
Haar musikale loopbaan het op die ouderdom van 17 begin toe sy by die gewilde Kwaito-groep Big Nuz as agtergrondsanger aangesluit het.
Sy het erkenning gekry vir haar talent en het in 2016 haar solodebuut gemaak met die treffer-enkelsnit “Wololo”.
Ten spyte van haar sukses, het omstredenheid en teleurstelling haar loopbaan sover gekenmerk.
Haar onstuimige huwelik met Mampintsha het in Desember 2022 tot ‘n tragiese einde gekom toe Mampintsha dood is, blykbaar na ‘n beroerte.
Verder het dit maar gekrap tussen Babes en Mampintsha se ma, Zama Gumede, en die twee wast eindeloos in ‘n stryd gewikkel.
Die gevegte het uiteindelik tot ‘n einde gekom toe Zama in Januarie vanjaar oorlede is.
Haar loopbaan word gekenmerk deur uitdagings, soos ‘n spottery met haar lyf en kritiek oor haar gewigsverlies nadat sy swanger was.
Verdere inligting oor haar toestand is nie onmiddellik beskikbaar nie.
Saamgestel deur personeelskrywer
Op die foto hierbo: Babes Wodumo
