Deur Everson Luhanga
Die metertaxibedryf het ‘n reusesprong die toekoms in geneem tydens die bekendstelling van ‘n massiewe elektriese motorprojek laas Dinsdag in Midrand. Die motors wat glo gebruik gaan word sal ‘n reikafstand van 420km hê wanneer dit vol gelaai is.
Hulle hou duimvas dat Eskom se kragonderbrekings nie hul plan in die wiele sal ry nie, want die motors sal gelaai moet word.
Sibongisen Shange, ondervoorsitter van Santaco se metertaxi-afdeling, het aan Scrolla.Africa gesê die sukkelende ekonomie, brandstofprysstygings en aardverwarming is van die redes waarom hulle elektriese voertuie in die land moes bekendstel.
“Ons het op die oomblik 2,500 voertuie in Gauteng en ons sal binnekort ook uitbrei na KwaZulu-Natal en die Vrystaat,” het hy gesê.
Shange het bygevoeg dat die projek reeds sewe jaar beplan word, en hulle is verlig om dit uiteindelik te kan uitvoer.
Die motors sal gelaai word by die plekke waar hulle gewoonlik parkeer. Shange het gesê hoewel die land kragonderbrekings ervaar, sal pendelaars nie langs die pad vashaak nie, aangesien hulle beplan om sonkragaanlegte by winkelsentrums en taxistaanplekke op te rig.
Op die foto hierbo: Ondervoorsitter vir Santaco se metertaxi-afdeling, Sibongisen Shange
Fotobron: Mfanelo Dzanibe
