Deur Dylan Bettencourt
Pogings om die Suid-Afrikaanse Grand Prix by Kyalami te laat herleef, is laat vaar weens die land se verhouding met Rusland.
Suid-Afrika, wat nie sedert 1993 ‘n wedren aangebied het nie, moes finansiële uitdagings aanspreek tydens die aanvanklike samesprekings tussen F1 en die promotor Warren Scheckter.
‘n Nuwe promotor, 777 onder leiding van Adam Brown, het daarin belang gestel om F1 na Suid-Afrika te bring, en is deur sewemalige wêreldkampioen Lewis Hamilton gesteun.
Daar word egter verneem dat die politieke bande tussen Suid-Afrika en Rusland gelei het tot die besluit om planne vir ‘n Suid-Afrikaanse Grand Prix in die nabye toekoms te laat vaar, het Racing365 berig.
Na die Russiese inval in die Oekraïne moes F1 die Russiese Grand Prix verlede jaar vinnig kanselleer, en die F1-beheerliggaam, FIA, het ‘n verbod opgelê op deelname deur Rusland en Belarus as hulle nie ‘n neutraliteitsooreenkoms sou onderteken nie.
Suid-Afrika se gevry na president Vladimir Poetin se regime het ‘n onverwagte struikelblok vir F1 veroorsaak, aangesien die land nie vir Rusland of die voortslepende oorlog aan die kaak gestel het nie.
Ten spyte van byna afgehandelde sake tussen 777 en F1, het Suid-Afrika se politieke oorwegings en sy verbintenis met Rusland, Brasilië, China en Indië deur BRICS ‘n Suid-Afrikaanse resies vir eers onlewensvatbaar gemaak.
Die besluit om Suid-Afrikaanse GP-planne te laat vaar sal na verwagting vir Spa-Francorchamps in België bevoordeel, aangesien dit waarskynlik beteken dat die Belgiese Grand Prix vir ten minste nog ‘n jaar op die kalender sal verskyn.
Die Kyalami-renbaan het glo ingestem om sy fasiliteite aan 777 te verhuur, hangende ‘n formele handtekening, maar dit het toe nooit gebeur nie.
Met spanning wat toeneem weens bewerings dat Suid-Afrika wapens aan Rusland verskaf, het die vooruitsigte van ‘n Suid-Afrikaanse GP in die nabye toekoms verminder.
Geen kommentaar oor hierdie aangeleentheid is sover van Formule 1 of die Kyalami Renbaan ontvang nie.
Op die foto hierbo: Kyalami Circuit
Fotobron: Twitter
