Deur Zukile Majova
In die toekoms kan presidente en openbare amptenare moontlik nie hulle belanstingrekords agter die geheimhoudingwet ten opsigte van belasting versteek nie.
Dit kom nadat die Grondwethof ’n hooggeregshof-beslissing gehandhaaf het dat die SA Inkomstebelastingsdiens die voormalige president Jacob Zuma sy belastinrekords aan joernaliste kan vrystel indien daar ’n geldige rede daarvoor is.
Dié belangrike verwikkeling bevestig die mag van die wet aangaande die Bevordering van Toegang tot Inligting, ’n grondbeginsel vir die bestaan van ’n vrye pers in ’n grondwetlike demokrasie.
Die hof het SARS beveel om hulle weiering om Zuma se se belastingrekords aan die Financial Mail en die amaBhungane Centre for Investigative Journalism te oorhandig in heroorweging te bring.
Die beslissing het ook die Parlement beveel om die relevante belastingwetgewing binne twee jaar aan te pas.
Daar is jare lank berig dat Zuma ’n salaris van die Durbanse sakeman Ray Moodey onvang terwyl hy president was.
Die wet verbied ’n sittende president om enige ander salaris te onvang terwyl hulle in hulle pos is.
In sy blitsverkoperboek The President’s Keepers, het die skrywer en ondersoekende joernalis Jacques Pauw geskryf Zuma het R1-miljoen per maand van Royal Security, een van Moodley se besighede, ontvang.
Dit het ten minste in die eerste jaar van sy bewind gebeur, volgens Pauw.
SARS-amptenare het agterdogtig geraak omdat die maatskappy nie PAYE-belasting betaal het vir Zuma nie, hoewel dit as salaris gewys het.
Tydens die Zuma-jare is daar winsgewende tenders aan Moodley toegestaan, onder meer R550 miljoen van ’n tegnologie-besigheid wat ’n kontrak ter waarde van miljarde rande van die Passasierspoorweg-Agentskap losgeslaan het.
In die foto hierbo: Jacob Zuma
