Fulgence Kayishema, ’n voormalige Rwandese polisiehoof en een van die berugste voortvlugtige volksmoordverdagtes, is in Kaapstad in hegtenis geneem.
Kayishema was byna twee dekades lank op vrye voet, met ’n vals identiteit, voordat hy Woensdag vasgetrek is.
Die 62-jarige word daarvan aangekla dat hy in April 1994 die massamoord op meer as 2 000 mense in ’n kerk-huisvesting bewerkstellig het.
Suid-Afrikaanse polisielede, in medewerking met ’n opsporingseenheid van die Rwandese oorlogmisdaad-tribunaal, het hom gevang.
Serge Brammertz, die hoofaanklaer vir die tribunaal, het sy tevredenheid met die arrestasie uitgespreek.
“Hy sal uiteindelik geregtigheid vir sy beweerde misdade in die gesig staar,” het hy gesê.
Kayishema was onder die 96 mense wat die tribunaal uitgewys het, en waarskynlik die laaste verdagte wat die reg ontduik het.
Meer as 500 000 mense is destyds binne 100 dae vermoor.
Kayishema was ’n Hutu polisie-inspekteur en word daarvan beskuldig dat hy 2 000 Tutsi’s met kapmesse en handgranate laat vermoor het in ’n kerk-huisvesting, waar hulle skuiling gesoek het.
In sy twee dekades as voortvlugtige het Kayishema verskeie vals identiteite aangeneem en reisdokumente in talle Afrikalande en elders bekom, wat die ondersoek bemoeilik het.
In die foto hierbo: Fulgence Kayishema
