Deur Lungani Zungu
Die EFF sal Woensdag tydens twee tussenverkiesings sy mag peil in Limpopo, die tuisprovinsie van partyleier Julius Malema.
Die tussenverkiesing in Wyk 10 van Polokwane Munisipaliteit – Malema se tuisdorp – beloof om ‘n naelskraap affêre te wees, en die EFF haal alles uit om die wyk te behou.
Die rooi barette gebruik elke pyl in hul koker om die veldtog te laat werk – insluitend die koop van ‘n Jojo-watertenk vir die verarmde inwoners van Wyk 10.
Tyd sal egter leer of dit die stemme gaan voorsien waarop die party so graag wil reken.
Hierdie wyk behoort aan die EFF en was op die spel na die dood van sy raadslid Ramokone Doris Photo in Oktober verlede jaar.
Die EFF het sy troep Jacob Segodi Seshoka gestuur om hierdie wyk teen die ander aanspraakmakers te verdedig.
Die ANC se Maropeng Ramoshaba, ActionSA se Mayinga Hlongwane, Tebogo Makwea van die Active African Christians United Movement, en Jackson Khoza van die Party of Action, het almal hul sleutels in die hoed gegooi vir die wyk se toppos.
Die EFF het Sondag ‘n saamtrek gereël wat deur party-LP Mbuyiseni Ndlozi toegespreek is op die vooraand van wat beloof om ‘n naelbyter kompetisie te wees.
Die stempersentasie was 45.21% in die 2021 plaaslike regeringsverkiesings.
Nog ‘n verkiesing sal in Wyk 17 in Limpopo se Blouberg Munisipaliteit plaasvind, wat weer in die mark is na die dood van ANC-raadslid Sylvia Tlepyane laas jaar.
Die EFF glo Justice Maputla is die regte man om hierdie wyk af te rokkel van die ANC, verteenwoordig deur Sebolaishi Anikie Maputla – wat verbete veg om sy party se setel te behou.
Onafhanklike kandidate Malvis Rakgoropo, Mokgesi Davhana en Phineas Makgwathana het ook hul hande opgesteek om oorweeg te word vir die wyk se toppos.
Die opkoms was 50% in die 2021 plaaslike regeringsverkiesings.
Nog ‘n opwindende tussenverkiesing sal in die Oos-Kaap, in Wyk 5 van Mbhashe Munisipaliteit, gehou word.
Wyk 5 is ‘n sterk basis vir die ANC. Die dood van ‘n ANC-raadslid het die pos vakant gelos.
Die party se kandidaat vir hierdie posisie is Mzekelo Ndikinda, wat teen Sikelela Mdikinda van die EFF en Elmon Ncetezo van die UDM te staan sal kom. Die kiesersopkoms was 45% in 2021 se plaaslike verkiesings.
Op die foto hierbo: EFF-troepe was reeds Dinsdag ontplooi, op die vooraand van vandag se tussenverkiesings
Beeldbron: @EFFSouthAfrica
