By Zuziwe Ndokweni
Almal verstaan wat vakansiedae vir hulle beteken, en verstaan ook wat Kersfees bring vir hul gesinne, kollegas, vriende en in hul verhoudings.
Maar wat seermaak is wanneer sommige van ons aan Kersfees dink, ons herinner word aan die pynlike verlies van ‘n familielid, ‘n geliefde, of iemand wat jou mense aanmekaar vasgegom het.
Ek vra myself elke dag af: wie bring vir hulle glimlagte, vreugde, herinneringe, liefde, vertroosting, en geluk?
Een ding wat ek weet is dat diegene wat geliefdes verloor het altyd die oomblikke sal koester wat hulle saam kon deurbring, terwyl hul nog die groener weivelde van hierdie wêreld bewandel het.
Hierdie Kersfees sal ek saam met my familie van moederskant spandeer. Ek kan nie wag om die giggels van my oom Eentand te hoor terwyl hy vertel hoe ondeund hulle saam met my ma was as kinders nie nie.
Ons hou Kersfees een keer per jaar, maar hoekom wag ons so lank om ons langafstand-familielede te sien? Een ding wat ek uit die pandemie geleer het, is dat die lewe binne ‘n minuut kan verdamp. Ek wil seker maak ek koester elke oomblik wat ek saam met my familie deurbring – nie net op Kersfees nie.
Duime-op vir diegene wat nog nooit die gees van Kersfees verloor het nie, ten spyte van hul verliese en swaarkry. Die mense wat steeds opgewonde raak wanneer hulle daardie boks bont sjokolades oopmaak, nuwe klere kry, en heerlike etes kook.
Op die foto hierbo: Zuziwe Ndokweni
Beeldbron: verskaf
