By Razeen Gutta
Dis die wonderlikste tyd van die jaar. Dit is altyd die geval, maar hierdie jaar al te meer so, want dis my eerste feestyd as voltydse lid van die Scrolla.Africa-familie.
Die vakansie het nog altyd vir my oor gesinstyd gegaan. Gesellig in my tuisdorp Mafikeng, in Noordwes, elke Desember; Kersflieks kyk, braai langs die swembad oor naweke, en vuurwerke wat die nuwe jaar verwelkom.
Terwyl 2022 tot ‘n einde kom en die feestyd op hande is, hoop ek om dieselfde dinge dié Kersseisoen te kan doen.
Natuurlik, met beurtkrag in ag genome – ‘n groot bekommernis in Suid-Afrika vanjaar – het sommige verkies om te reis waar moontlik, terwyl die res hul planne moes verander.
Persoonlik hoop ek steeds dat dinge in daardie opsig sal vergemaklik, en dat die vakansie vir almal, oral, geluk mag bring.
Die pasafgelope Fifa Wêreldbeker-sokkertoernooi in Katar is steeds vars in my gedagtes, en as sportskrywer sal my besinnings en besluite nie volledig wees sonder om te praat oor die sokkeraksie waarna ons nou uitsien nie.
Ek voorsien dat die Premierliga ‘n groot deel van ons feesvieringe sal verteenwoordig. Veral aangesien dit hervat word op Tweede Kersdag na ‘n maandlange tussenpose.
Die Wêreldbeker was ‘n yslike bederf, maar as ywerige Liverpool-ondersteuner sien ek regtig daarna uit om weer klubsokker te kyk.
Aan al ons lesers, ek hoop dat jul nuwejaarsvoornemens sal realiseer, en ek wens julle ‘n baie geseënde vakansie toe. Nooit sal jy alleenloop nie.
Op die foto hierbo: Razeen Gutta
Beeldbron: @razeengutta
