Buziwe Nocuze
‘n Uitbundige partytjie om die einde van eksamens in Witsand, Atlantis, in die Wes-Kaap te vier, het ‘n trafiese draai gevat met die dood van ‘n 14-jarige.
Sikhule Joel, ‘n Graad 7-leerling by Kerria Laerskool, is Saterdag omstreeks 2vm tydens die partytjie by ‘n taverne doodgesteek.
Sy ma, Nosipho Joel, het gesê sy het die skoknuus gehoor toe ‘n groep kinders in die middel van die nag na haar huis toe gehardloop het om haar te vertel dat Sikhule gesteek is.
“Ek het geslaap toe ‘n paar seuns by my huis aankom en vir my sê my seun is gesteek en hulle kon nie ‘n motor kry om met hom hospitaal toe te jaag nie.”
Sy sê sy is dadelik na die toneel toe, maar haar seun was reeds op pad hospitaal toe.
“Ons het hom na die hospitaal toe gevolg en is daar meegedeel dat die dokter steeds met hom besig is. Toe sê hy na ‘n paar minute hy het alles in sy vermoë gedoen om my seun te red, maar kon dit nie regkry nie.”
Gemeenskapsleier Nolufefe Mbombo het aan Scrolla.Africa gesê sy het probeer om ‘n stokkie voor die beplande partytjie te steek.
“Ons het twee weke gelede ‘n soortgelyke probleem gehad en het probeer ingryp deur eienaars te vra om hul tavernes te reserveer vir kinders se eksamen-einde vieringe, maar dit het duidelik nie gebeur nie.”
Sy het bygevoeg dat sy ‘n program wou reël wat die leerders op een plek sou hou, maar het gesê dit het misluk omdat die kwessie verpolitiseer is.
Wes-Kaapse SAPD-woordvoerder, Sersant Wesley Twigg, het gesê die Atlantis Polisie het ‘n moordsaak vir ondersoek aanhangig gemaak ná die dood van ‘n 14-jarige seun wat doodgesteek is.
“Die slagoffer is vir behandeling geneem na ‘n mediese fasiliteit, waar hy dood verklaar is.”
Die motief vir die aanval moet nog vasgestel word. ‘n 15-Jarige seun is in verband met die moord in hegtenis geneem en sal in die komende dae in Atlantis Landdroshof verskyn.
Op die foto hierbo: Vermoorde Graad 7-leerder Sikhille Joel.
Beeldbron: Verskaf
