Zukile Majova
Die komende ANC konferensie, wat beskou word as slagveld vir die beheer van die ANC se siel, loop die gevaar dat die lont nat geword het.
Niks vreesliks sleg sal daarvan kom nie, maar daar gaan geen bokskruit of uit-en-uit straatgeveg wees nie.
President Cyril Ramaphosa is myle voor sy opponente, nadat hy stemme van meer as 70% by die party se 3,900 takke behaal het.
Terwyl die nasionale uitvoerende komitee van die ANC 60-40 verdeel is, word Ramaphosa se weersin in bakleiery geprys vir die voorkoming dat hierdie skeuring na takke en streke toe uitbrei, en uiteindelik tweedrag in die ANC veroorsaak.
Vandag ondersteun minstens agt provinsies Ramaphosa se bod vir ‘n tweede termyn, terwyl die ANC Vroueliga hom steun op voorwaarde dat die adjunkpresident uit hul geledere kom.
Vir sy kritici was die laaste rol van die dobbelsteen in hierdie sage die moontlikheid van die parlementêre ondersoek na die president se rekenskap of te nie in die toesmeerdery van ‘n multimiljoenrand roof op sy plaas, Phala Phala.
Die verslag oor hierdie aangeleentheid is tot 30 November uitgestel, net ‘n dag voordat die Parlement in reses gaan.
Die afwesigheid van ‘n tasbare verslag wat Ramaphosa by oortreding betrek, beteken die Phala Phala-sage sal nie verdelende debatte by die 55ste konferensie veroorsaak nie.
Die anti-Ramaphosa faksie onder leiding van oudpresident Jacob Zuma het gehoop om die Phala Phala ‘Farmgate’ skandaal te gebruik om Ramaphosa in ‘n moddergooi-wedstryd in te sleep wat die hele vyfdag-lange konferensie sou oorheers.
En nou met 30% van die konferensie-afgevaardigdes aan hul kant, gooi die sogenaamde radikale ekonomiese transformasie (RET) kragte al hul steun agter Zweli Mkhize – voormalige minister van gesondheid met sy streepsak vol skandes.
Mkhize sien homself nie as lid van die RET-faksie nie maar is dankbaar vir hul ondersteuning.
Sy steun kom van die ANC Jeugliga en die sogenaamde Taliban-faksie wat nou KZN bestuur. Sommige streke in Limpopo, Oos-Kaap en die Vrystaat kan ook sy bod ondersteun.
Die laaste opsie van die anti-Ramaphosa fakkeldraers is om ‘n presidentskandidaat van die konferensievloer af voor te stel, maar dit sal waarskynlik nie slaag as die Ramaphosa-faksie die populêre stem beheer nie.
Met net drie weke oor is die enigste ding wat die Ramaphosa-faksie mag verswak, die res van die lede op sy Top Ses-lys.
Op die foto hierbo: ‘n Stralende President Cyril Ramaphosa
Bron: @phumudzomakhado
