Lucky Maree
Om Suid-Afrika A teen Munster gade te slaan was bepaald neerdrukkend – en nie net omdat die Suid-Afrikaners so omvattend oordonder is nie. Die besoekers het gelyk soos bababrakkies wat mid-winter in die swembad beland het. Hulle sou beter gevaar het as hul op die veld verskyn het in ruimtepakke.
Aan die veld se ander kant het die Munster spelers hul verlustig in die toestande, die bal met blymoedigheid rondgegooi, en deurgaans geleenthede geskep om hul telling te verhoog.
Donderdagaand se wedstryd het een ding bewys: as jy goeie rugby in Cork wil speel, moet jy in Cork gebore wees.
Mens kan jou verstuit om te sê daar is byna geen sin daarin om individuele Suid-Afrikaanse spelers se vertonings te ontleed nie.
So vanwaar, Gehasie, gaan Suid-Afrika se sonlig kom?
Tensy die weergode Suid-Afrika werklik verag (en dis miskien wel die geval), is daar byna geen kans dat weersomstandighede tydens die Wêreldbeker Rugbytoernooi soos Cork s’n sal na-aap nie. Daar sal nie gespeel word in ‘n siedende Keltiese seewind of reën wat mens teen 30km/h peper nie. Dit word in September (volgende jaar) in Frankryk gespeel.
Volgens Weather25.com is die temperature in Frankryk in September gematig met ‘n laagtepunt van 13°C, en 22°C op sy warmste.
“Jy kan gedurende Septembermaand ongeveer drie tot agt dae se reën in Frankryk verwag.”
Dis heel anders as in Ierland waar jy tussen nou en Maart volgende jaar kan uitsien na altesaam drie tot agt ure van sonskyn.
Die weervoorspelling vir môre in Parys is ‘n minimum van 13°C met ‘n wind van sowat 6km/h, en 0% kans van reën. Trouens, as jy daaroor dink, is dit perfekte weer vir ‘n braai-aand by Loftus Versfeld in Pretoria.
Dit is egter ‘n ware toets vir die Springbokke. Van al die verskonings wat Jacques Nienaber en Rassie Erasmus in hul “ons bekommer ons nie” wapenrusting het, sal hulle nie die weer kan blameer nie.
Dis knyptyd vir die Springbokke – en niks minder belangrik vir Frankryk nie.
Teen laat Vrydagmiddag is dit aangekondig dat Jasper Wiese nie ten volle van harsingskudding herstel het nie, en Kwagga Smith skuif dus na die nommer agt posisie. Deon Fourie is op die bankie.
Suid-Afrika
Agterspelers: 15 – Willie le Roux, 14 – Cheslin Kolbe, 13 – Jesse Kriel, 12 – Damian de Allende, 11 – Kurt-Lee Arendse, 10 – Damian Willemse, 9 – Faf de Klerk
Voorspelers: 8 – Kwagga Smith, 7 – Pieter-Steph du Toit, 6 – Siya Kolisi (kaptein), 5 – Franco Mostert, 4 – Eben Etzebeth, 3 – Frans Malherbe, 2 – Bongi Mbonambi, 1 – Ox Nche.
Plaasvervangers: 16 – Malcolm Marx, 17 – Steven Kitshoff, 18 – Vincent Koch, 19 – Marvin Orie, 20 – Deon Fourie, 21 – Cobus Reinach, 22 – Manie Libbok, 23 – Makazole Mapimpi.
Beeldbron: @DaveLinnotPhotography
