Deur Razeen Gutta
Dag twee sou die laaste dag wees van ‘n onvergeetlike toer waarin Indië hul eerste toetswen ooit op Nuweland behaal het.
‘n Oorwinning met sewe paaltjies het gevolg nadat die gesamentlike speler van die reeks, Jasprit Bumrah, 6/61 in Suid-Afrika se tweede beurt gevat het.
Met drie paaltjies af en 36 lopies agter, sou Suid-Afrika nog een keer in duie stort ondanks Aiden Markram se meesterlikheid.
Die aanvangskolwer het teen die grein ingegaan en ‘n onvergeetlike 100 behaal om die gashere ‘n vegkans te gee, maar rondom hom sou die paaltjies val met Suid-Afrika almal uit vir 176, wat ‘n teiken van net 79 gestel het.
Die laaste beurt was ook vol opwinding, met Indië wat nie hul lopiejaag sonder ‘n paar skrikke kon voltooi nie.
Yashasvi Jaiswal was tops met 28 voordat Nandre Burger met hom klaargespeel het terwyl Shubman Gill (10) en Virat Kohli (12) deur Kagiso Rabada en Marco Jansen afgestuur is.
Rohit Sharma het egter reggestaan om sy span binne slegs 12 boulbeurte te laat seevier, met die toetswedstryd wat net 107 boulbeurte geduur het.
Die wedstryd van vier en ‘n half sessies was die vinnigste in die geskiedenis, terwyl die toer van twee toetse net vyf dae se gekombineerde krieketaksie ingehou het.
Dean Elgar het met ’n gelykopuitslag uit sy laaste toets voor uittrede gebuig en is ook as Suid-Afrika se speler van die reeks aangewys.
Volgende op die agenda in Suid-Afrika is die tweede jaarlikse SA20, terwyl Indië ook na die kortste formaat sal terugkeer as hulle Afghanistan in drie T20-internasionale wedstryde pak.
Op die foto bo: Suid-Afrika en Indië deel die buit.
Beeldbron: @BCCI
