Deur Lucky Vince Pienaar
Dit moes ‘n baie moeilike besluit gewees het, maar vyf Springbokke is genomineer vir SA Rugbyspeler van die Jaar.
Alhoewel dit maklik is om te sien hoekom Pieter-Steph du Toit, Eben Etzebeth, Siya Kolisi, Frans Malherbe en Damian Willemse benoem is, kan jy ewe maklik aan ‘n aantal spelers dink wat ook aan die wedloop sou kon deelneem.
Kon mens dalk vir Handré Pollard nomineer vir sy perfekte skopwerk onder enorme druk in die Wêreldbeker eindstryd?
Wat van Kwagga Smith vir sy balsteel in die losgemaal, of Ox Nche vir sy wonderlike skrumwerk?
Cheslin Kolbe kon om verskeie redes daar gewees het, soos sy briljante verdediging en waarskynlik die belangrikste afslaan van ‘n doelskop in die geskiedenis van Wêreldbeker rugby.
Maar alle sake het soveel kante. Rugby is moontlik die toonbeeld van spansport en die Suid-Afrikaanse span is die perfekte voorbeeld daarvan. Al vyf is waardige benoemdes, maar die feit bly staan dat hulle saam as so ‘n hegte eenheid gespeel het dat enige van die Wêreldbekergroep genomineer kon word. Soos soveel van die spanlede voor en gedurende die toernooi gesê het: “Ons speel vir mekaar en ons speel vir ons land.”
Nominasies vir Afrigter van die Jaar is interessant. Hoe kies ‘n mens tussen John Dobson van die Stormers en Springbokbreier Jacques Nienaber?
Sommige van die benoemdes in die verskillende kategorieë is:
SA Rugby Mansspeler van die Jaar
Pieter-Steph du Toit
Eben Etzebeth
Siya Kolisi
Frans Malherbe
Damian Willemse
SA Rugby Jong Speler van die Jaar
Sacha Feinberg-Mngomezulu (Stormers)
Jaden Hendrikse (Springbokke/Sharks)
Canan Moodie (Springbokke/Bulle)
Evan Roos (Springbokke/Stormers)
Ruan Venter (Leeus)
Afrigter van die Jaar
John Dobson (Stormers)
Hawies Fourie (Cheetahs)
Jacques Nienaber (Springbokke)
Op die foto hierbo: Pieter-Steph du Toit
Bron: X
