When a woman broke up with you, they expect you to fall. We are not shocked about what Minnie Dlamini is doing to Khune. pic.twitter.com/lGVa19VgL5
— Man’s NOT Barry Roux (@AdvoBarryRoux) November 14, 2023
Mzansi se liefling Minnie Dlamini het haarself in die moeilikheid bevind nadat ‘n pittige oomblik op die lug – waartydens sy vals bewerings oor haar eks, sokkerspeler Itumeleng Khune, gemaak het – wyd versprei is op sosiale media.
Die mediapersoonlikheid het haar program op Mzansi Magic aangebied toe sy met selfvertroue uitgelap het dat Khune sy stewels opgehang het.
Maar die intrige het vinniger kookpunt bereik as ‘n borrelende driepootpot toe haar produksiespan haar vinnig tydens die uitsending reggehelp het deur te sê Khune is nog aktief aan’t sokker speel.
Die oomblik, vasgevang deur arend-oog sosiale media gebruikers en uitgebasuin op TikTok en X, wys hoe Minnie se gesig van selfversekerd na “oeps-daar-doen-ek-dit-weer” verander, die oomblik toe sy haar fout besef.
Sosiale media-speurders was vinnig om haar as die “bitter eks” uit te kryt en het bespiegel dat Dlamini se opmerking van suur druiwe spreek.
Aanhangers het onthou dat Khune glo gereed was om ‘n allemintige R1 miljoen lobola vir Minnie te betaal, maar sy het verkies om eerder op haar loopbaan te fokus.
Minnie se liefdeslewe het ‘n ander wending geneem toe sy in 2017 die knoop met Quinton Jones deurgehaak het – net om vyf jaar later ‘n egskeiding aan te vra, met ’n kleuter aan haar sy.
Saamgestel deur personeelskrywer
Op die foto hierbo: Minnie Dlamini en Itumeleng Khune
Bron: X
