Noorweegse kenners het onlangs ‘n sappige bevinding voorgesit: As jy lus is vir ‘n bietjie liefde, maak seker jy doen dit nie op ‘n leë maag nie.
Navorsers van die Universiteit van Oslo het ontdek dat as jou maag gor, daardie romantiese aanrakinge dalk net minder aantreklik raak.
Nadat hulle 67 honger en versadigde Noorweërs getoets het, is gevind dat dinge heelwat warmer was in die kooi vir diegene met ‘n happie agter die blad. Een vrywilliger het astrant gesê: “Dit is soos om ‘n muf ou toebroodjie met ‘n fynproewersmaaltyd te vergelyk!”
En wat sê die wetenskap? Dit gaan alles oor die hongerhormoon, ghrelin.
Hierdie chemikalie maak ons blykbaar lus vir vreet liewer as vry.
Maar dié raad is moontlik die kersie op die koek: Moenie jouself soos ‘n vark gaan volprop voor jy onder die lakens induik nie.
Dr Valerie Antoine Gustave se advies as volg: “Wag ten minste ‘n uur nadat jy ‘n groot maaltyd geniet het, voordat jy jou ander luste bevredig.” En dink miskien twee keer oor daai ekstra kaas of appeltert na die maal – tensy jy jou minnaar aan ‘n onverwagte windstorm wil onderwerp.
Saamgestel deur personeelskrywer
Op die foto hierbo: Kos in die kooi
