Deur Razeen Gutta
Die 13de uitgawe van die IKR se eendagtoernooi vir mans is van 5 Oktober tot 19 November die middelpunt van aksie in Indië, met 2019-finaliste Engeland en Nieu-Seeland wat die verrigtinge afskop.
Die Proteas sal probeer om van hul groot toernooivloek ontslae te raak wanneer Temba Bavuma hulle deur ‘n Wêreldbeker-toernooi lei waar verwagtinge dalk laer is as in vorge jare.
Suid-Afrika het net een van hul laaste uitklopwedstryde by die Wêreldbeker gewen; hul veldtog begin Saterdag teen Sri Lanka in Delhi.
Of Engeland het wat dit vat om agtereenvolgende titels te verower sal die tyd alleen leer. Hoe dit ook al sy, hul status as een van witbalkrieket se beste spanne sal nie verander na vier jaar gelede se sukses nie
Vir Nieu-Seeland kan dit egter nou of nooit wees. Twee naaswenner-medaljes mag beteken dat vanjaar hul jaar is, maar selfs hulle is nie die grootste gunstelinge in 2023 nie.
Sal dit dan Australië wees? Hulle swak eendagvertoning vergeet ons maklik wanneer hul geskiedenis as die kompetisie se suksesvolste span in ag geneem word. Hul openingswedstryd teen die gasheer Sondag sal waarskynlik ‘n beter idee gee van wat ons kan verwag.
Vir Indië is die druk ‘n rowwe werkliklikheid. Die manne in blou het die tuisvoordeel en is die gunstelinge, want Rohit Sharma se span sal hoop om hul kolf- en balbalans ten beste te benut, in toestande wat hulle die beste pas.
Watter kans het hul jarelange mededingers, Pakistan, dan? Babar Azam se span sal die geleentheid kry om hulself te bewys in ‘n land waar hulle nog nie regtig gespeel het nie. Maar soos altyd is hulle onvoorspelbaar, en dit mag dalk die keer ‘n goeie ding wees.
Miskien is daar egter ‘n verrassing wat wag – ‘n jong Sri Lankaanse span, die immer besige Bangladesj, omgekrapte konings Afganistan, en die Nederlandse dromers is almal teenwoordig om te wys dat hulle nie net daar is om getalle op te maak nie.
In die ligafase sal al 10 spanne mekaar een keer die stryd aansê, met die topvier wat vir die halfeindronde kwalifiseer.
Op die foto hierbo: Alle oë op die Krieketwêreldbeker
Bron: @cricketworldcup
