Deur Lucky Maree
Lukhanyo Am en Makazole Mapimpi kom albei van die Oos-Kaap af.
Terwyl die enigste ouerleiding wat Mapimpi gekry het van sy ouma was, wat gesterf het toe hy baie jonk was, het Am grootgeword in ‘n groot gesin waar sy ma hom aangemoedig het om sokker te speel.
Maar, soos Mapimpi, het Am se liefde vir rugby eerste gekom, en beide het naamgemaak in Oos-Kaapse rugbykringe.
Hulle het albei vir die Border Bulldogs en die Southern Kings gespeel, hoewel nooit op dieselfde tyd nie. Hulle het uiteindelik by die Sharks aangesluit toe Mapimpi in 2018 vir dié KZN-span begin speel het.
Hulle is albei gekies vir die Springbok-groep om hul land te verteenwoordig in die Wêreldbeker-toernooi wat in Oktober en November 2019 in Japan gehou is.
En toe maak hulle saam geskiedenis.
Makazole Mapimpi het op 2 November 2019 by die Internasionale Stadion in Yokohama die eerste drie ooit in ‘n Wêreldbeker-eindstryd vir die Springbokke gedruk.
Mapimpi het langs die linkerkantlyn afgehardloop en ‘n perfekte skop in Am se hande besorg.
Of Am self die drie sou kon druk sal ons nooit weet nie, want hy het die bal aangegee vir Mapimpi wat omgehardloop het om naby die pale te druk.
Dit was Suid-Afrika se derde eindstryd, maar die eerste keer dat hulle ‘n drie gedruk het.
Twee groot spelers het uiteindelik bymekaargekom om een van die grootste oomblikke in die geskiedenis van die Springbokke te skep.
Op die foto hierbo: Lukhanyo Am en Makazole Mapimpi
Bron: Twitter
