‘n 21-Jarige voormalige soldaat en huidige koskokkedoor, Daniel Khalife, het vandeesmaand opslae gemaak in die VK toe hy na bewering uit Wandsworth Gevangenis ontsnap het.
Die parmantige oudsoldaat het ‘n sjefsuniform aangehad toe hy ‘n nuwe resep vir ontsnap probeer het: hy het glo bedlakens gebruik om ‘n skelm rit aan die onderkant van ‘n koslorrie te vang.
Die ontsnappingsboffin se vryheid was egter van korte duur.
Hy is paar dae later deur die polisie vasgetrek terwyl hy langs ‘n kanaal af gefiets het. Gerugte wil dit hê dat ‘n beampte in siwwies as held opgetree het, toe hy vir Khalife van sy wegkomfiets afgeruk, het Sky News berig.
Khalife het verlede Donderdag via ‘n videoskakel verskyn met ‘n spoggerige geel en blou trui en ‘n pleit van onskuld op die aanklag van ontsnapping.
Dit is net nog ‘n laag op sy wettige koek, want hy is opgeklits in ‘n ryk beslag van ander aanklagte, insluitend ‘n sprinkeling van beweerde vals bomkomplotte en ‘n skeut amptelike geheime.
Khalife sal volgende maand weer in die hof verskyn en waarskynlik sy kookgerei moet ruil vir gereedskap van ‘n wettiger aard.
Saamgestel deur personeelskrywer
Op die foto hierbo: ‘n Sjef wat uit die tronk ontsnap
Bron: Gegenereer deur KI-instrument Midjourney
