Daar’s niks meer nuuts aan kar-karaoke nie, want ‘n nuwe sensasie het nou Mzansi se strate op hol: ons roep hom die ‘Drive Braai’.
‘n Video gedeel deur ‘Cooking On Coal Events’ het die internet aan die brand gesteek.
Die witwarm beeldmateriaal? Twee braaimeesters word gesien, nie in ‘n tuin nie, nie in ‘n park nie, maar agter op ‘n bakkie waar ‘n massiewe lamspitbraai staangemaak is.
Die heerlike geure en hipnotiese vlamme het verbygangers laat giggel, en ook skreeusnaakse digitale reaksies ontlok.
“Is dit die nuwe Uber Eats?” het een gebruiker geskerts.
Almal was egter nie so guitig oor die nuwe bakkie-gebruik nie. ‘n Paar het die higiëniese en wetlike aspekte van hierdie warmkoolkaskenades bevraagteken.
Die kersie op hierdie frikkadelletjie is dat “Ultimate Braai Master” se mense gratis kaartjies vir hul volgende vertoning aan ons onverskrokke snelwegsjefs gebied het, aldus ‘n berig in The Good Things Guy.
So, terwyl hierdie ouens ons laat proes het in ons tjop en dop – net betyds vir Braaidag, nog daarby – moet ons die kinders waarsku: dié is nie vir tuisgebruik nie, wat nog te sê op die teerpad!
Saamgestel deur personeelskrywer
Op die foto hierbo: The Drive Braai
Bron: Instagram
