Wayne Venter van die Suid-Afrikaanse Weerdiens het verduidelik dat die massiewe golwe veroorsaak is deur ‘n laagdrukstelsel wat in die Atlantiese Oseaan ontstaan het. Dit het gelei tot onstuimige weerstoestande, insluitend swaar reënval en sterk wind.
Die laagdrukstelsel het kragtige winde veroorsaak wat oor ‘n groot deel van die see gespoed het.
Met snelhede wat wissel van 80-110km per uur, het hierdie aanhoudende rukwinde veroorsaak dat seewater “opgeberg” is.
Dit was nie net die sterkte van die winde nie, maar ook hul langdurigheid wat ‘n probleem was.
Omdat die winde oor ‘n lang tydperk gewaai het, het die golwe net groter en sterker geword, wat hulle opgepomp het tot byna nege meter hoog in sommige gevalle, veral in KwaZulu-Natal.
Die wind was nie die enigste faktor wat die golwe versterk het nie. Venter het gesê die springgetye en nuwemaanfase wat saamval het ook ‘n rol gespeel, volgens IOL.
Die stormvloed se verwoesting was duidelik langs dele van die Wes-Kaapse kuslyn.
‘n Massiewe golf het die 93-jarige Jo Hartman by Leentjiesklip parkeerterrein in Wildernis omgeslaan en haar lewe gekos.
Nog ‘n geweldige golf het ‘n restaurant aan die KZN-Suidkus getref en meer as sewe mense beseer. Video’s van die golf se impak is wyd op sosiale media-platforms versprei.
Die SA Weerdiens het voor die gebeurtenis stormgolfwaarskuwings vir die betrokke kuslyne uitgereik.
Saamgestel deur eie beriggewer
Op die foto hierbo: Branders het oor die naweek pandemonium gesaai
Bron: Twitter
