Deur Everson Luhanga
Die polisie in Alexandra-township in Joburg het Dinsdag drie vragmotors vol vleis teruggekry wat in Springs gekaap is.
Nadat die vragmotors gesteel is, het die polisie daarin geslaag om hulle by drie verskillende plekke in Alex op te spoor.
Toe die polisie by elk van die tonele aankom, het hulle van die verdagtes op heterdaad betrap terwyl hulle snitte bees- en varkvleis aflaai. Die kalf was in die put!
Twee verdagtes is op die toneel in hegtenis geneem, terwyl ander weggehardloop het.
Benewens die vrag het die Johannesburgse metropolisie en SAPD ook ses vuurwapens op die toneel gevind.
Toe Scrolla.Africa by die plek aankom waar een van die vragmotors geparkeer was, is gesien hoe beamptes vleis op hul skouers teruglaai in die vragmotors.
Honger toeskouers het langs die straat gestaan en kyk hoe die owerhede nabygeleë eiendomme deursoek vir enige tekens van die gesteelde vrag.
Van die inwoners het selfs gespot dat die naweek se braai gekanselleer is!
Xolani Fihla, woordvoerder van die metropolisiedepartement, het bevestig dat twee verdagtes in Alexandra in hegtenis geneem is vir ‘n vragmotorkaping.
“By verdere ondersoek is vuurwapens en ammunisie by een van die verdagtes se huise gevind,” het hy gesê.
Hy het gesê dat die owerhede steeds ondersoek instel en die aantal verdagtes mag toeneem.
Een inwoner het gesê die vleisdiewe het hom gevra om te help om een van die vragmotors af te laai. Onwetend dat hy met kapers te doen het, het hy ingestem.
Die arme barmhartige samaritaan was besig om ‘n stuk vleis gedra toe die polisie aanland.
“Hulle het gevra om ons te deursoek voordat ons aangesê is om uit hul pad uit te kom,” het hy aan Scrolla.Africa gesê.
“Op daardie stadium het ons nie geweet wat aangaan nie. Kort voor lank het ’n konvooi polisiebeamptes opgedaag en die aflaaiery stopgesit.”
By een van die ander plekke het die polisie glo twee waarskuwingskote afgevuur met hul aankoms.
Op die foto hierbo: Drie vragmotors vol vleis is Dinsdag in Springs gekaap en dieselfde dag in Alexandra teruggevind
Bron: Verskaf
