‘n Brasiliaanse dokter, Camilla Lewin, beweer dat gereelde ysbaddens die hitte in haar slaapkamer opstoot.
“Dit het my seksuele aptyt verbeter,” het die 31-jarige aan NudePR.com uitgeblaker. “Ek glo dit is een van die beste praktyke vir gesondheid.”
Lewin is ‘n fiksheidsgodin en het onthul dat haar seksdrang die hoogte ingeskiet het nadat sy begin het om in ysige water te bad.
“Dit was vir my ‘n wonderlike ontdekking toe ek op hierdie heeltemal natuurlike en hormoonvrye formaat afkom,” het sy astrant gebieg.
“Ek het dit glad nie verwag nie – wat ‘n aangename verrassing! Nou hou ek verskeie sakke ys opsy vir my bad.”
Dr Robert Glatter, ‘n noodgeval-kenner by Lenox Hill Hospitaal, het haar bewering gesteun en onthul dat ‘n dip in yskoue water ‘n opwindende slaapkamerervaring mag waarborg, het die New York Post berig.
“Dompeling in vriesende water kan die vrystelling verhoog van luteïniserende hormone, wat in jou brein geproduseer word,” het hy gesê.
“Dit kan ook testosteroonproduksie by mans opstoot en ovulasie by vroue veroorsaak, wat lei tot ‘n stomende styging in libido.”
Lewin het erken sy het eers in ysbaddens gespring vir spierverligting, maar ‘n sexy verrassing het op haar gewag.
Die dokter sê ysbaddens is soos ‘n dubbele skoot plesier vir jou liggaam.
“Dit bevorder vasokonstriksie, wat plaaslike bloedvloei en seldeurlaatbaarheid verminder,” het sy geknipoog.
Saamgestel deur personeelskrywer
Op die foto hierbo: ‘n Ysbad
Bron: Twitter
