Deur Zukile Majova
Suid-Afrika is steeds op soek na sy eerste medalje ná vyf dae se kompetisie in die Wêreld-atletiekkampioenskappe in Boedapest, Hongarye.
Maar die span bly hoop dat sy lot sal draai op Dag Ses, vandag, wanneer Wayde van Niekerk aan die 400m-finaal deelneem.
Die wêreldrekordhouer is nou onder die gunstelinge vir ‘n podiumplek nadat top aanspraakmaker Steven Gardiner van die Bahamas Dinsdag ‘n dyspierbesering tydens die halfeindronde opgedoen het.S
Dag Vyf was ook vol goeie nuus vir Span SA, met Prudence Sekgodiso wat gemaklik genael het in haar uitdun om vir die 800m halfeindronde te kwalifiseer.
Sekgodiso sal na verwagting die eindronde haal in hierdie tweede vertoning van haar in die wêreldkampioenskappe, nadat haar eerste deelname in Eugene in die semi-finaal geëindig het.
Sy het Woensdag tweede geëindig na Keely Hodgkinson, die Europese kampioen wat haar topvorm hierdie seisoen bewys het met ‘n beslissende oorwinning tydens laas maand se Londen Diamantliga-byeenkoms.
Die Brit het ‘n tyd van 1:59.53 aangeteken, met Sekgodiso kort op haar hakke teen 1:59.79.
Mzansi se drie naellopers wat aan die 200m deelneem – Luxolo Adams, Shaun Maswanganyi en Sinesipho Dambile – het almal gekwalifiseer vir vandag se semi’s.
Resiesgunstelinge – die pasgekroonde 100m-kampioen Noah Lyles, die Kanadees Andre de Grasse en die Amerikaanse fenomeen Erriyon Knighton – het almal gemaklik gekwalifiseer.
In die velditems het die 10de Suid-Afrikaner Jo-Ane van Dyk Vrydag vir die finaal gekwalifiseer na ‘n massiewe 60.09m gooi.
Dieselfde voorspoed was nie beskore vir 100m-hekkiespesialis Marioné Fourie, wat in die semi-finaal uitgeval het, of paalspringer Kyle Rademeyer nie.
Op die foto hierbo: SA medalje hoopvolle Prudence Sekgodiso is veilig deur na die 800 halfeindronde in die Wêreld Atletiekkampioenskappe.
Bron: Twitter
