OnlyFans-model Mariah Casillas het ‘n loslyf manier gevind om die tragiese Maui-veldbrande te ondersteun.
Die 22-jarige inwoner van Honolulu het belowe om alles te ontbloot vir ‘n prys: as jy ‘n minimum van $10 (R190) aan die herstelpogings van veldbrande skenk, stuur sy vir jou ‘n kiekie in al haar naakte glorie.
Terwyl die Hawaiiaanse paradys een van die dodelikste veldbrande in die Amerikaanse geskiedenis bestry, het Casillas besluit om haar aanlyn-invloed vir ‘n stomende saak te gebruik.
Haar tweet wat die aanbod aankondig, het ‘n verstommende 1.3 miljoen kyke gekry.
“F*k it, ek stuur naakfoto’s vir almal wat ten minste $10 skenk aan my Maui-veldbrand-fondsinsameling. Ek is te lief vir hierdie pragtige eiland,” het sy met oorgawe geplaas.
En as jy dink dit is ‘n blote publisiteitsfoefie, dink weer.
Casillas het reeds meer as $7,400 (R140,000) ingesamel deur haar “HELP LAHAINA NOW!” GoFundMe-bladsy. Dit kom neer op moontlik meer as 740 naakfoto’s wat aan skenkers gestuur is. Sover.
Maar Casillas is nie net ‘n bok vir sports nie. Sy is vasbeslote om ‘n ware impak te maak.
“Ek vat niks van die geld nie en dit is nie ‘n promosie vir enigiets behalwe om fondse vir die brandslagoffers in te samel nie,” het sy gesê.
Met ‘n indrukwekkende 96,000 Twitter-volgelinge en die aandag van die media, poog Casillas om steun te werf vir ‘n rampgeteisterde paradys wat na aan haar hart lê.
“Maui is ‘n heilige, pragtige plek en daar is ‘n paar verskriklike dinge wat tans hier aan die gang is,” het sy op haar Instagram geskryf.
Saamgestel deur personeelskrywer
Op die foto bo: Mariah Casillas
Beeldbron: Twitter
