Deur Buziwe Nocuze
Die Stad Kaapstad het ‘n beduidende ontwikkeling aangekondig in sy pogings om die voortslepende taxi-staking aan te spreek.
Dit is vanmiddag aan die lig gebring dat die Suid-Afrikaanse Nasionale Taxiraad (Santaco) aan ‘n deurslaggewende vergadering met burgemeester Geordin Hill-Lewis sal deelneem, ondanks vroeëre verwerping van die samesprekings.
Hill-Lewis het sy hoop op ‘n vreedsame oplossing uitgespreek.
Hy het gesê ná 48 uur sonder voorvalle in Kaapstad en die vreedsame oggendverkeer tydens spitstydperk vandag, het hulle Santaco genooi vir ‘n gesprek om ‘n konstruktiewe oplossing te vind en die staking te beëindig.
“Intussen beskerm ons ook busse regoor die stad, en hulle bereik byna volle skedule wat die druk verlig,” het Hill-Lewis gesê.
Die Stad se pogings strek ook verder as busse, met beskermende begeleiding wat nou voedselvragmotors help om te verseker dat aflewerings by winkels kan voortgaan te midde van die krisis.
Santaco hoofsekretaris Ryno Saaiers het vroeër Donderdag die Stad se uitnodiging van die hand gewys met kommer oor die voorgestelde agenda.
Hy het gesê hulle sal nie die vergadering bywoon totdat daar ooreengekom word om op te hou om hul voertuie te skut.
Hy het gesê dit is belangrik om oplossings te vind wat taxi-operateurs in staat stel om dienste te hervat terwyl besprekings oor hierdie onderliggende kwessie voortduur.
Inwoner Anele Sibene het gesê sy is bekommerd oor die langtermyn impak van die staking op mense se werk en daaglikse lewe.
“Ons sukkel om werk te kry weens misdaad,” het Sibene gesê.
“Niemand wil ons aanstel nie want hulle glo die vervoer kan nie ons gebiede bereik nie. Dit sal net bydra tot die probleme.
“Die meeste winkels is toe. Die wat nog oop is, het nie kos nie. Binnekort gaan daar inbrake in die winkels in ons townships wees. As hulle nie ‘n oplossing kry nie, gaan iets sleg gebeur,” het sy gesê.
Op die foto hierbo: Kaapstad burgemeester Geordin Hill-Lewis en polisiebaas Bheki Cele
Bron: Twitter
