Deur Emily Mgidi
Die tyd vir heilige water is verby, want Gabola Kerk het ‘n ander soort vloeibare verlossing in gedagte – alkohol!
Die kerk het opslae gemaak in Mzansi deur gemeentelede te doop met hul gunsteling drank.
Tsietsi Makiti, die stigter van Gabola Kerk wat homself tot pous verklaar het, het verduidelik dat hulle alles doen wat tradisionele Christelike of Katolieke kerke doen, maar met ietwat van ‘n kinkel.
In plaas daarvan om water te gebruik, doop hulle hul lede met alkohol. Elke gemeentelid bring ‘n bottel van hul verkeurdrank, en die pastoor seën dit. Op hierdie manier, beweer hulle, kan verseker hulle dat die vloeistof nie giftig is vir hul liggame nie.
Volgens Makiti beoog die kerk om verstote sondaars te red wat deur die samelewing as uitgeworpenes beskou word.
Hulle glo deur alkohol te drink, word hulle bevry en word die Heilige Gees in hul lewens ontvang.
Terwyl sommige hulle dalk vir dronkies uitkryt, steur hulle hul min aan die kritiek. Hulle beweer daar word gedrink vir bevryding.
Sommige hoofstroom Christelike kerke is nie heeltemal gekant teen matige drinkery nie, en haal die voorbeeld aan van Jesus wat water in wyn verander het.
Aan die ander kant val nie almal vir die unieke kerk se praatjies nie. Kritici voer aan dat Gabola niks met die woord van God te doen het nie en glad nie ‘n wettige kerk is nie.
Die hoofstroom Suid-Afrikaanse Raad van Kerke het hom van Gabola gedistansieer en geweier om kommentaar oor die saak te lewer. Maar Makiti bly standvastig in sy oortuigings, en beklemtoon dat hulle drinkery ‘n manier is vir die Heilige Gees om hulle te besiel.
Tydens ‘n Gabola kerkdiens sal jy sien hoe die priester, in ‘n hoogs tradisionele uitrusting, whisky in sy palm gooi en die gemeente se voorkoppe met alkohol salf.
Die dienste self word in kroeë gehou, wat ‘n unieke atmosfeer skep waar gemeentelede alkohol na hartelus kan gebruik.
Een van die pasgedoopte lidmate, Nkonzenhle Dlamini, het gesê ondanks sy familie se afkeur vind hy vertroosting in Gabola Kerk.
“Dit is ‘n plek waar niemand oordeel nie. Ons lees Bybel en motiveer mekaar, en onvoorwaardelike ondersteuning is aan die orde van die dag is,” het hy gesê.
Hy gaan selfs so ver as om ander kerke te kritiseer en beweer hulle huisves valse pastore en die mees veroordelende mense in die wêreld.
Op die foto hierbo: Gabola Kerk
