Deur Zukile Majova
Eskom betree nou week twee van verminderde of geen beurtkrag deur die dag nie.
Dit is deels te danke aan die terugkeer tot diens van verskeie opwekkingseenhede wat vertraag is deur ‘n ingewikkelde stelsel van die aankoop van onderdele om eenhede in stand te hou of op te kikker.
Nog daarby word verwag dat kragtoevoerstabiliteit sal verbeter met die bevestiging dat Eskom ‘n bykomende 700 MW van Mosambiek vasgemaak het.
Kgosientsho Ramokgopa, minister van elektrisiteit, was gasheer vir sy Mosambiekse eweknie, energie minister Carlos Zacarias, wat bevestig het dat 100 MW onmiddellik beskikbaar is.
“Dit is belangrik om bykomende krag op die netwerk te laai en ons is dankbaar teenoor Minister Zacarias en die mense van Mosambiek vir die versterking van ons verhouding,” het Ramokgopa gesê.
“Ons ontvang die bykomende 100 MW nou en 600 MW oor ses maande, en natuurlik ‘n bykomende 1,000 MW op die langer termyn,” het hy gesê.
Hy het gesê die huidige uitstel van hoë fases beurtkrag is te danke aan verskeie ingrypings, insluitend ‘n verandering in personeel by Eskom se kragopwekkingsvleuel.
Ramokgopa was in sy noppies oor die aanstelling in April van Bheki Nxumalo as Groep Uitvoerende Beampte: Generasie.
Zacarias het gesê Mosambiek het beduidende gasreserwes en kan Suid-Afrika bystaan in onderhandelinge oor energie probleme.
Eskom het gesê hy verwag geen beurtkrag tussen middernag en 4nm Maandag, Dinsdag en Woensdag, en Fase 3 tussen 4nm en middernag op daardie dae nie.
“Dit is te danke aan ‘n volgehoue verbetering in opwekkingskapasiteit as gevolg van drie eenhede wat voorheen ongedaan was maar wat weer in diens geneem is,” het Eskom in ‘n verklaring gesê.
Intussen het die Franse regering €1 miljard (R20 miljard) beloof om Suid-Afrika se Just Energy Transition te finansier, wat ontwerp is om die land se gewigtige afhanklikheid van steenkoolkragstasies te verminder.
Ramokgopa het Maandag die Redstone Sonkragaanleg in Postmasburg besoek.
Die gekonsentreerde sonkragprojek is ‘n 100 MW geïntegreerde aanleg wat in Suid-Afrika ontwikkel word.
Op die foto hierbo: Mosambiekse minister van energie, Carlos Zacarias, met SA elektrisiteitsminister Kgosientsho Ramokgopa by die Uniegebou
Fotobron: Twitter
