Deur Buziwe Nocuze
Onderwysers van die Noxolo Xauka Primêre Skool in Khayelitsha, Kaapstad, is Dinsdagmiddag deur vier verdagtes met vuurwapens by die skool aangehou.
Die voorval het kommer gewek oor die skool se veiligheidsmaatreëls en ‘n breër bespreking oor misdaad in die gebied ontketen.
Bronagh Hammond, woordvoerder van die Wes-Kaapse Onderwysdepartement, het die voorval bevestig en die departement se ondersteuning vir die betrokke personeellede uitgespreek.
“Die skoolhoof en die personeellede sal berading ontvang deur ons Werknemerwelstandsprogram. Ons is dankbaar dat geen fisiese beserings aangemeld is nie. Ons gedagtes en ondersteuning is egter by die kollegas wat so ‘n traumatiese ervaring moes verduur,” het Hammond gesê.
“Ons sal ook hul veiligheidsmaatreëls met die skool bespreek. Ons hoop van harte dat die oortreders aangekeer word.”
Die verdagtes het daarin geslaag om ‘n mikrogolfoond, twee rekenaarmonitors en drie selfone te steel voordat hulle van die toneel gevlug het.
‘n Personeellid wat versoek het om anoniem te bly weens vrees vir geteiken word, sê hulle is dankbaar niemand is beseer is nie.
“Maar ons is steeds in skok. Ons bid dit is die laaste keer dat so iets by ons skool gebeur,” het die personeellid gesê.
Khayelitsha inwoner Nolizwi Ngathane het gesê misdaad in die gebied is buite beheer.
“Die hartseer werklikheid is dat niemand veilig is nie, misdadigers doen wat hulle wil en hulle is vir niemand bang nie,” het Ngathane gesê.
Sy het bespiegel dat die misdadigers die wag dalk mislei het om toegang te verkry. Maar sy neem nie die veiligheidswagte kwalik nie en erken dat die verdagtes gewapen was.
“Die sekuriteitswagte by skole het nie gewere nie. Hulle is net daar om die hek vir besoekers oop en toe te maak,” het sy gesê.
Kaptein Nowonga Sukwana, woordvoerder van die Wes-Kaapse SAPD, het bevestig dat Harare Polisiestasie ‘n saak van ‘n sakeroof ondersoek.
“Twee mans was met vuurwapens gewapen, en die ander twee het die selfone gegryp.”
Die polisie is aktief op soek na die verdagtes, maar geen arrestasies is tot dusver gemaak nie.
Op die foto hierbo: Laerskoolpersoneel is geskok gelaat nadat gewapende verdagtes die skool beroof het.
Fotobron: Buziwe Nocuze
