Moordwalvisse aan die kus van Spanje en Portugal is doelbewus verbygaande bote aan’t omkantel.
Verrassende verslae onthul dat hierdie dreigende seesoogdiere doelbewus niksvermoedende bote teiken en ‘n spoor van vernietiging in hul nasleep laat.
Meer as 60 vreesaanjaende voorvalle van moordwalvisse wat met vaartuie slaags raak, is vanjaar alleen aan die suidwestelike punt van Europa gedokumenteer, volgens verslae van die GT Orca Atlantica-werkgroep.
Bekende wetenskaplikes wat die skrikwekkende verskynsel ondersoek, beweer dat die moordwalvisse meedoënloos in bote vasbots, wat sommige vaartuie laat sink.
Kenners vermoed dat hierdie akwatiese aanvallers dalk die gevaarlike gedrag van ‘n getraumatiseerde orka naboots, wat verwoesting saai op die oop see.
Die hoofbeskuldigde in hierdie skrikbewind is glo ‘n matriarg geskaad deur strydwonde, bekend as White Gladis.
Bronne dui daarop dat White Gladis aan trauma onderwerp is, toe sy waarskynlik in ‘n botsing met ‘n boot betrokke was of in visnette verstrengel geraak het.
Alfredo Lopez Fernandez, ‘n bioloog van die Universiteit van Aveiro in Portugal, wat hom toewy aan die bestudering van hierdie reuse soogdiere, het verklaar: “Daardie getraumatiseerde orka is voorbok in die bootaanval-gedrag. Dit is ‘n verdedigende reaksie wat gewortel is in diep trauma, en nou aap ander walvisse dit na!”
In een spanningswekkende geval op 4 Mei het drie orka’s ‘n meedoënlose aanval geloods op ‘n seiljag aan die Spaanse kus.
Danksy die kuswag is die gestrande siele se lewens gespaar. Die boot het egter uiteindelik onder die walvisse se aanslae geswig en die donkertes ingesak.
Die vaartuig se skipper, Werner Schaufelberger, het die voorval beskryf en onthul dat twee kleiner walvisse die tegniek van hul leier nageboots het deur bloots in die boot vas te swem.
Net 48 uur tevore het ‘n groep van ses orka’s die romp van ‘n ander seiljag in die verraderlike Straat van Gibraltar aangeval. Die uitkoms was soortgelyk, met die boot wat onherstelbare skade gely het.
Saamgestel deur personeelskrywer
Op die foto hierbo: Walvisse
