Die Hollywood-ikoon Jane Fonda is eenkeer vir seks gevra deur ‘n regisseur wat wou “kyk hoe haar orgasmes lyk” voor hy haar vir ‘n rol in sy film sou oorweeg.
Fonda het hierdie ware staaltjie gedeel tydens ‘n onlangse verskyning op TV terwyl sy haar nuutste fliek, Book Club: The Next Chapter, bevorder het.
Die 83-jarige aktrise het vertel van ‘n ontmoeting met die Franse regisseur René Clément in 1964 tydens die verfilming van die riller Joy House.
Terwyl die voorstel van Clément, destyds 51, aan Fonda, destyds 27, nie ongewoon was vir die “Swinging Sixties” nie, was sy redenasie redelik bedenklik.
Clément het beweer dat sy karakter in die fliek ‘n orgasme moes ervaar en hy wou sien hoe Fonda se orgasmes daaruit sien.
Fonda, vinnig op haar voete, was slim genoeg om haar dom te hou. Toe die regisseur sy voorstel in Frans opper, het sy gemaak of sy niks verstaan nie, en die ongemaklike vooruitsig behendig vermy.
Die gasheer van Watch What Happens Live, Andy Cohen, kon nie sy verbasing verbloem nie toe Fonda met soveel vrymoedigheid hierdie skokkende staaltjie gedeel het oor die verfilming van die fliek waarin sy saam met Alain Delon gespeel het.
Die aktrise het geterg dat sy selfs meer sappige stories in die mou had, maar het opgemerk: “Boetie, het ek stories vir jou – maar die tyd haal ons in.”
Fonda was nog altyd een wat openhartige gesprekke verwelkom, en het eenkeer vir Drew Barrymore ‘n tintelende blou vibrator gegee tydens ‘n verskyning op The Drew Barrymore Show.
Dit blyk dat Fonda, selfs ná ses dekades in die tuig, steeds gehore bekoor met haar ongefilterde vertellings.
Saamgestel deur personeelskrywer
Op die foto hierbo: Jane Fonda
