Suid-Afrikaanse Gebaretaal (SAGT) het geskiedenis gemaak deur die land se 12de amptelike taal te word.
SAGT sal die eerste universele taal wees wat nie gepraat of geskryf word nie, maar as ‘n amptelike taal in Suid-Afrika erken word.
Die Grondwetlike Agtiende Wysigingswetsontwerp wat SAGT erken, is deur die Nasionale Vergadering goedgekeur.
Die proses om SAGT ‘n amptelike taal te maak het in 2020 begin toe die aanvaarding daarvan deur ‘n parlementêre komitee voorgestel is. Verskeie skriftelike voorleggings is ontvang ter ondersteuning van die wetsontwerp.
Professor Theodorus du Plessis van die Departement Suid-Afrikaanse Gebaretaal en Dowe Studies aan die Universiteit van die Vrystaat het gesê die stap is ‘n belangrike en simboliese toevoeging.
“Behalwe die simboliese betekenis, steek daar nie regtig veel in nie. Die feit bly staan dat ons taalregte as Suid-Afrikaners in die Grondwet beskerm word, maar nie met betrekking tot enige amptelike taal nie,” het hy gesê.
In Suid-Afrika het die meerderheid dowe babas horende ouers, wat daartoe lei dat SASL nie as ‘n eerste taal aangeleer word nie. SAGT word op skool aangeleer en is die eerste taal van meeste dowe kinders in die land.
Die wetsontwerp sal aan die Nasionale Raad van Provinsies gestuur word vir instemming, en dan na President Cyril Ramaphosa, wat dit inwerking moet stel.
Saamgestel deur personeelskrywer
Op die foto hierbo: Gebaretaal
