Deur Dylan Bettencourt
Af en toe lewer die vasteland ‘n speler op wat bestem is om sokker-adel te word, en Victor Osimhen is een van hulle.
Die Nigeriese doelskieter was die hele seisoen in skitterende fatsoen saam met die Italiaanse span Napoli; teen slegs 24 jaar oud lyk dit of hy een van die topspelers van alle tye kan word.
In die voetspore van Didier Drogba en Samuel Eto’o, het Osimhen als wat vereis word om Afrika se volgende beste doelskieter te wees.
Hierdie seisoen sover het hy reeds 23 doele aangeteken en ‘n verdere vyf bygestaan in net 27 wedstryde oor alle kompetisies.
Hy was van onskatbare ware vir sy aandeel om Napoli ‘n 18-punt voortou te gee in Serie A, en het ook sy span gelei na hul eerste Uefa Champions League-kwarteindstryd ooit.
Osimhen het drie van die vyf doele vir Napoli aangeteken in hul gesamentlike oorwinning van 5-0 oor die Duitse span Eintracht Frankfurt in die Champions League-ronde van 16.
In die Italiaanse binnelandse liga staan hy met 19 doele kop en skouers – oftewel vyf punte ver – uit bo ander doelskieters. Inter Milan se Lautaro Martinez is tweede met 14 doele in die huidige veldtog.
Osimhen se prestasies het baie belangstelling van verskeie Europese klubs gelok, wat dit vir Napoli al hoe moeiliker maak om hul Nigeriese juweel in pag te hou.
Spanne soos Manchester United, Chelsea en selfs Real Madrid het belangstelling in Osimhen getoon vir ‘n skuif tydens die someroordragvenster.
Dit sal egter ‘n aansienlike bedrag vereis om Osimhen weg te lok van Napoli, met ‘n syfer van meer as 100 miljoen euro wat genoem word as voldoende om die saak te beklink.
Osimhen is in Lagos gebore en het in Olusosun grootgeword, met ouers wat van die Edo-staat afkomstig is.
As jongeling was Drogba sy sokker god – wat miskien net vir Chelsea mag help in hul poging om hom Londen toe te lok.
Osimhen het 15 doele in 22 wedstryde vir Nigerië aangeteken, en mag dalk net die antwoord wees om hierdie Afrika-land terug te plaas op die wenpad, ná ‘n teleurstellende paar jaar.
Hoe dit ookal sy, die naam Osimhen gaan beslis vir nog baie jare lank met groot invloedrykheid gepaardgaan.
Op die foto hierbo: Victor Osimhen
Fotobron: Fabrizio Romano
