Deur Khaya Ndaba
Dis Wandi teen Xoli. En Wandi soek R200 000 vir die eksplisiete video wat hulle saam gemaak het, en wat Xoli sonder haar toestemming op ’n porn webwerf afgelaai het.
Die twee gewese vriende verpes mekaar nou.
So, wie is hulle en hoekom moet ons omgee? Xolisile Mfeka, 30, en Wandi Ndlovu, 21, is twee sterre op Showmax se realiteitsreeks This Body Works For Me, oor sewe Suid-Afrikaanse sekswerkers en skeppers van woeste groortmensvideos.
Xoli, Wandi, Nelly, Samke, Gina en Primadonna werk in die vermaaklikheidswêreld. Die sewende deelnemer is Bubbly, ’n voormalige eksotiese danser en voornemende entrepreneur.
Die video is meer as 950k keer op Xoli se OnlyFans-blad beloer. Nou wil Wandi ’n hap van daai paai hê – dis nou die geldpaai, want Xoli deel nie daai meevallertjie met haar nie.
Xoli het nou 10 dae om te hoes, of Wandi se regspan sleep haar reguit hof toe.
Hierdie koorsige spanning behoort niemand te verras nie.
Wandi het onlangs regstreeks op Instagram vertel hoe Xoli en haar produksiespan haar op stel oor haar voorkoms gespot het.
“Xoli se bestuurspan boelie my,” het Wandi diep die dinges in gesê. “Kyk, ek weet ek’s vet en ek het nie ’n mooi neus nie, maar moet my nie daaroor spot nie, veral nie as jy my vriend is nie.
“Ek sou dit kon verstaan as Xoli ’n Mihlale of ’n Faith Nkesi was, maar sy is nie. Mense sê sy is die lelikste een van ons almal.”
Om sout in die wonde te vryf, het Noluvuya “Bubbly” Sondela, een van die ander sterre, by Xoli gaan skinder oor Wandi se jonger suster, wat swanger geraak het. Dit het glo iets uit te maak met dié se reputasie as ’n wilde nommertjie.
En Wandi se familie sê haar skuld dat sussie so lekker kefoefel.
Dis nie al nie. Op die reünie-program wat Woensdag uitgesaai is, het ’n gevaarlike rumoer op die lug uitgebreek. Op ’n kol moes sekuriteit ingeroep word om te keer dat Reflilwe “Gina” Molwantwa en Prudence “Primadonna” Matswetu mekaar dik tik.
As die eerste seisoen van This Body Works For Me só geëindig het, kan mens jou net verbeel hoe die vonke in die tweede reeks gaan spat.
In die foto hierbo: This Body Works For Me
Fotobron: Showmax
