By Everson Luhanga
Asof dit nie genoeg is om as Adjunk-President aangewys te word nie, trou Paul Mashatile die naweek met sy liefie, Humile Mjongile.
Bronne na aan Mashatile het aan Scrolla.Africa bevestig dat hy Saterdag en Sondag ’n tradisionele bruilof gaan hou, met ’n formele bruilof wat later in die jaar gaan volg.
Die tradisionele bruilof gaan op twee verskillende plekke gevier word – die eerste by Humile se huis in Leondale, Ekurhuleni, en die tweede in Kelvin in die noorde van Johannesburg, waar Mashatile woon.
Mjongile is die weduwee van die ANC se provinsiale sekretaris in die Weskaap, Songezo Mjongile, wat in April 2020 by sy huis in Morningside, Johannesburg, aan kolonkanker dood is.
Mashatile se vrou Manzi Ellen Mashatile is in Julie 2020 na ’n lang siekbed oorlede. Sy ma is ’n maand vroeër dood.
Die tydsberekening van die troue kon nie beter gewees het nie. Mashatile is verlede jaar Oktober as Adjunk-President van die ANC verkies.
President Cyril Ramaphosa het hom Maandag as sy adjunk aangewys en hy is Dinsdag ingesweer.
In die foto hierbo: Humila Mjongile
