Deur Khaya Ndaba
YFM-luisteraars sal waarskynlik nooit uitvind hoekom die gewilde oggendaanbieder Bryce Clarke, oftewel DJ Ankletap, eensklaps van die lug af verdwyn het nie.
As jy die stasie se besturende direkteur, Haseena Cassim, se lofsange aanhoor, van hoe “sulke talent nie aldag voorkom nie”, wonder mens hoekom hulle hom die deur gewys het.
Ankletap, minlik bekend onder luisteraars as “Malume”, sal op 24 Maart vir laas die hoëprofiel ontbytprogram aanbied, en dan sy oorfone ophang.
Hy het 12 jaar gelede by die stasie aangesluit. Dit was ‘n buitengewoon lang dienstydperk in ‘n bedryf bekend vir sy wispelturigheid, met DJ’s se koppe wat vinnig en gereeld rol.
Ankletap se skielike vertrek laat die vraag ontstaan: Wat gebeur met voormalige radio-DJ-sterre nadat hulle die ateljee verlaat het?
Jessica Bouverie, beter bekend as Jess-B, is Ankletap se voormalige mede-aanbieder, en is in 2021 afgedank.
Scrolla.Africa het haar onlangs met haar opgevang om uit te vind waarmee sy haar nou besighou.
Oorspronklik van Durban afkomstig, het die 30-jarige Jess-B in Boksburg grootgeword.
Sy het haar loopbaan after die mikrofoon in 2017 as mede-aanbieder saam met DJ Ankletap begin, en haar twee jong dogters in die sorg gelaat van bure by haar woonstel in Boksburg.
Toe sy die ontbytprogram saam met Ankletap begin aanbied het, kon sy meer tyd saam met haar kinders deurbring.
Dinge het gedraai toe sy die 2020 SA Radio-toekennings in die kategorie Beste Verkeersaanbieder wen, het sy gesê. Jess-B was daardie jaar die enigste YFM-aanbieder wat met ‘n wen weggeloop het.
“My kollegas het teen my begin saamsweer en ek is oor klein goedjies geboelie. Ek was teen die toue en uiteindelik is ek uitgeskop as mede-aanbieder van die ontbytprogram,” het sy gesê.
“Die daaglikse kantooromgewing het regtig bitter geraal, totdat hulle my uiteindelik in die pad gesteek het.”
Jess-B kon geen radiowerk kry nie en kon nie haar huur betaal nie, wat daartoe gelei het dat haar familie hul rug op haar gekeer het. Sy het uiteindelik toesig oor haar dogters verloor.
“Ek moes eers alles verloor voor ek verstaan het dat ons nie soveel in beheer is as wat ons dink ons is nie. Ja, ek het dit oorweeg om als te beëindig, maar het besef dit is die maklike uitweg,” het sy gesê.
Sy het gesê as sy terugkeer radio toe, sal sy net as solo-aanbieder werk.
Jess is tans ‘n geleentheidsbeplanner in Johannesburg.
Sy wou nie kommentaar lewer oor Ankletap se vertrek nie.
Intussen het YFM-baas Cassim in haar verklaring gesê: “Ons weet dat die nuwe ontbytprogram die beste van ons Y-DNS sal bied.”
Dit is nie duidelik wie die plaasvervangers gaan wees nie, maar te oordeel aan onlangse gebeure moet hulle liefs nie te gemaklik raak in hul nuwe pos nie.
Op die hierfoto bo: Jess-B
Fotobron: Verskaf
