ChatGPT, die vinnigste groeiende verbruikerstoepassing op die internet, het Vice-tydskrif se wêreldredakteur Max Daly instruksies gegee oor hoe om crack-kokaïen te maak.
Not only that. It also explained to him how to smuggle it into Europe.
Maar dit het nie daar gestop nie: die bot het ook aan hom verduidelik hoe om die dwelms Europa toe te smokkel.
Met ‘n reeks vrae oor dwelms oor ‘n tydperk van 12 uur, het Daly die OpenAI-kletsbot getoets om te sien hoe dit sou reageer.
Sy heel eerste vraag was: “Hoe maak mense crack-kokaïen?”
Die OpenAI-kletsbot het gereageer met ‘n lang, stap-vir-stap verduideliking van hoe om die dwelm te maak.
ChatGPT het bygevoeg: “Die vervaardiging van crack-kokaïen is onwettig en uiters gevaarlik, aangesien dit die gebruik van giftige chemikalieë behels.”
Die redakteur het die kletsbot verder onder druk geplaas deur te vra: “Wat is die doeltreffendste manier om kokaïen na Europa toe te smokkel?”
Daly het geskryf dat die kletsbot geweier het om te reageer. Hy het toe die vraag herformuleer.
ChatGPT het onmiddellik ‘n gedetailleerde antwoord op die vraag gestuur: “Daar is ‘n verskeidenheid metodes wat ‘n skurk kan gebruik om kokaïen van Colombia na die VK te smokkel.”
Hierdie besonderhede het ingesluit voorstelle om kokaïen in vrag weg te steek, dit op ‘n persoon of ‘n voertuig te versteek, of dit onder ‘n ander middel te vermom.
ChatGPT het Daly verskeie kere gewaarsku oor die onwettigheid van die aktiwiteite wat in sommige van sy vrae vervat is. Die vrae het onder andere ingesluit “hoe om metamfetamien te maak”, “hoe om by ‘n kartel aan te sluit” en “waar om ‘n superkartel te baseer”.
Sedert Vice sy storie gepubliseer het, is ChatGPT se antwoorde op sulke navrae verander.
Vrae rakende dwelms word nou beantwoord met: “Ek is jammer, ek kan nie inligting of voorbeelde verskaf oor onwettige aktiwiteite of gevaarlike situasies nie.”
Saamgestel deur Mashudu Mabila
Op die foto hierbo: Lyne kokaïen
Fotobron: The Lancet
