Deur Khaya Ndaba
Jy kan hom nie miskyk as julle paaie in Johannesburg kruis nie. Hy is halfmens, half digitale entiteit, en gebruik die skuilnaam “Xopher Wallace”. Sy regte naam bly geheim.
Dis hoe die 29-jarige kunstenaar dit verkies. Hy is altyd te sien in ’n swart kostuum wat styf van kop tot tone om sy lyf span. Daarby dra hy ’n silwer steampunk-stofbril. ’n Hoodie bedek enigiets anders wat uitsteek en sy identiteit mag verklap.
“Ek verkies dit om anoniem te bly,” sê hy. “Ek wil hê die kuns en die digitale ervaring moet jou gedagtes infiltreer sodat jy op ander maniere kan dink,” het hy aan Scrolla.Africa gesê.
Xopher is eg, maar hy verkuif die grense van wat ’n kunservaring kan wees.
Hy gebruik sy alter ego, Xopher Wallace, om sy kuns eerste te stel. “Anime uit Japan, virtuele werklikheid en fotografie is die inspirasie vir Xopher,” verduidelik hy.
“Aangevulde werklikheid versny die fisiese wêreld met die digitale wêreld, met die gebruik van selfoonfilters.”
Die webwerf Techtarget verduidelik: “Anders as met virtuele werklikheid, wat ’n omgewing skep wat geheel en al kunsmatig is, bedek aangevulde werklikheid die lewe soos ons dit ken met ’n perseptuele waas.”
Xopher is aan visuele kuns voorgestel toe sy ma vir hom en sy broer ’n videokamera gekoop het toe hulle op hoërskool was. Hulle het hulle gunsteling musiekvideos herskep. Hy het konseptuele fotografie begin gebruik ’n paar jaar nadat hy by Boston Media House afstudeer het.
Sy mees onlangse werk sluit ’n installasie in wat geheel en al uit aangevulde werklikheid bestaan. Hy het dit tydens Covid-inperking geskep.
Xopher is ook ’n visuele, kinematograaf en filmmaker.
Tussen 2014 en 2022 het hy as digitale skepper by Curiosity Africa, POP Art, die Virtuele Nasionale Kunstefees en FNB Art Joburg opgetree. Hy was ook kurator van ’n aanlyn-uitstalling met die titel “Afrodelic Trip: Faces of Mixed Realities” vir die Fakugesi African Digital Innovation Festival.
Hy het saam met verskeie musikante, soos Money Badoo, Zulo en Moonchild Sanelly aan hulle projekte gewerk, met die gebruik van aangevulde realiteit.
Xopher se volgende projek is ’n Red Bull digitale filterprojek, wat vir volgende jaar beplan word. Hy werk ook aan ’n solo-uitstalling in November met die titel “Sleepwalker”.
In die foto hierbo: “Xopher Wallace” bly anoniem
Fotobron: Nike & Archive
