Deur Idoko Salihu
Angelique Kidjo word nie verniet deur die tydskrif Time “Afrika se lieflingdiva” genoem nie. Dis immers sy wat Afrika-musiek op die internasionale verhoog geplaas het.
Dié Beninse wenner van talle toekennings het haar inspirasie geput uit legendes soos, onder meer, die Nigeriese Afrobeat-sanger Fela Anikulapo Kuti, die Suid-Afrikaanse nagtegaal Miriam Makeba, en die Amerikaners James Brown en Stevie Wonder.
Sedertdien het sy haar kennis en ervaring aan jonger kunstenaars oorgedra. Haar medewerkers uit Afrika sluit Burna Boy, Yemi Alade, Shungudzo en Mr Eazi in, en sy wil duidelik die Afrika-klank laat voortleef.
Die 63-jarige sanger praat Fon, Frans, Yorùbá en Engels vlot.
Sy het op ses saam met haar ma se teatergroep begin optree. Dwarsdeur haar loopbaan is haar musiekvertolkings diep in tradisionele Afrika-musiek en dans geanker.
Sy het in die dae voor sosiale media grootgeword, wat gehelp dat sy haar egtheid en tradisionele identiteit behou.
Wanneer daar kritiek is omdat sy haar musiek aanpas om tot ’n wêreldgehoor te spreek, kap sy terug: “Wie is hulle om vir my te sê wat is Afrika en wat is nie? Het hulle in Benin grootgeword en die musiek gehoor? Nee! So bly dan stil.”
Sy het in 1983 uit Benin Parys toe gevlug om aan die destydse kommunistiese regering se wurggreep te ontvlug.
Kidjo het politieke ballingskap, rassisme en misbruik oorleef, en dit het haar sterker gemaak.
Sy het haar kultuur ook in haar monderings uitgeleef. Sy is bekend vir die Ankara Afrika-drukpatrone in haar verhoogkostuums.
Die jonger generasie, veral vrouekunstekaars, kan ’n les of twee leer by ’n vrou wat haar identiteit van jongs af verstaan het en vasgeskop het teen owerheidsdruk. Sy hou by haar waardes en is steed relevant.
Een van die kontinent se kosbaarste geskenke aan die res van die wêreld.
In die foto hierbo: Die weergalose Angelique Kidjo
Fotobron: @Wabe
